The love that I will never forget

Mikaela was an ordinary Senior High School student. Sa edad niyang 18, hindi siya gaanong mahilig makipagsocialize. Introvert siya, mas pinipiling magbasa ng libro sa library kaysa makipagkwentuhan sa iba. Pero sa kabila nito, may isang bagay siyang matagal nang hinihintay—ang maranasan ang totoong pagmamahal. “Hey, Mika!” sigaw ni Lyka, ang best friend niya, habang papasok sila sa classroom."May bago tayong kaklase. Ang gwapo, promise!” Ngumiti si Mikaela pero hindi ito gaanong interesado. Para sa kanya, hindi naman mahalaga kung sino ang bago o kung gaano ito kagwapo. Pero nagbago ang lahat nang dumating si Marki. “Class, meet Marki Salvador. He’s a transferee from Manila,” sabi ng kanilang adviser habang ipinakilala ang binata. Matangkad si Marki, moreno, at may maamong mukha na tila nangungusap. Mabilis siyang naging popular sa klase, at kahit si Mikaela, napansin ang kanyang charm. Sa unang pagkakataon, hindi napigilan ni Mikaela na kiligin. Sa tuwing magtatama ang kanilang mga mata, tila tumitigil ang mundo. Sa kabila ng pagiging tahimik niya, napansin siya ni Marki. “Mikaela, ikaw pala ang partner ko sa project,” sabi ni Marki isang araw. Hindi makapaniwala si Mikaela. “Ah… oo, ako nga,” sagot niya, hindi maitago ang kaba sa boses. Simula noon, madalas na silang magkasama. Nag-uusap sila tungkol sa mga bagay na pareho nilang gusto—mga libro, musika, at pangarap sa buhay. Sa kabila ng pagiging simple ni Mikaela, napansin ni Marki ang kakaibang ganda niya. “Alam mo, Mika, iba ka sa lahat ng babaeng nakilala ko,” sabi ni Marki minsang naglalakad sila pauwi. “Ang simple mo, pero ang ganda ng puso mo.” Hindi malaman ni Mikaela kung paano magrereact. Tila may kuryenteng dumaloy sa kanya, at doon nagsimula ang unti-unting pag-usbong ng damdamin niya para kay Marki.