Naging makabuluhan ang dalawang araw na nanatili siya sa resthouse ni Lola Cons. Kinabukasan ay buong tiyaga siya nitong inilbot sa Tagaytay. Iba-ibang restaurants ang kinainan nila. Sa pangalawang araw ay nanatili lamang sila sa villa. She was treated like a princess. Isang kibot niya lang, may mga maids na kaagad na umaasikaso. Nahihiya nga siya. Hindi siya sanay na pagtuunan ng ganitong atensyon.
“Hayaan mo akong alagaan ka, Alina. Apo kita and you have all the rights in everything I have.”
Napangiti siya habang dinadama ang mainit na palad ni Lola Cons na humahaplos sa kanyang pisngi. Hinawakan niya ang palad nito. It was so soft. May mga wrinkles na rin. Bumagay sa malasutlang kutis ang jade bracelet na tumutunog kada kilos nito. Hinalikan niya iyon at sinamyo. Kung saan pwede niya
