“Si Noah po?” sa mahinang boses ay tanong niya kay Bettina. Nasa ospital na siya nang magising. May dextrose na nakakabit sa bisig niya. “Gusto ko pong makausap si Noah.” Namamalat ang lalamunan niya pero pinilit niyang magsalita. “Ma’am Bettina, si Noah po.”
Nag-iwas ng tingin si Bettina. May nahuli siyang kakaibang kislap sa mga mata nito. Hindi niya alam kung ano. “He won’t come , Alina. He doesn’t want to do anything with you anymore.”
Parang sinuntok ang dibdib niya ng ilang beses sa narinig. Bumabalik na naman sa isip niya ang matinding galit sa mga mata ni Noah. Galit na galit ito sa kanya.
“Wala po akong kasalanan. Hindi ko po kilala ang lalaking naabutan ni Noah. Maniwala po kayo sa akin.”
She held on to her hand. Mahigpit niyang hinawakan iyon. She just wanted to cling on to
