Naninibago ang pakiramdam ni Alina sa unang beses na muli siyang pumasok sa university. Nangangapa ang pakiramdam niya. May mangilan-ngilang dating classmates na nagiging kaklase niya pa rin. Ngayon ang eksaktong isang linggo niya sa eskwela. Sa bawat araw ay panay ang hanap niya kay Clarisse. Sa kasamaang palad ay nag-dropout ito. Wala na rin ang pamilya nito sa Baseco. Ang dating pwesto ng mga ito sa Quiapo ay iba na ang nagmamay-ari. Kung nasaan ang mga ito ay walang makapagsabi. Huli niyang pinuntahan ang computer shop ng tito ni Nathan. Nagbabakasali siya na baka may alam ang huli pero, ito man ay umuwi na rin pala sa Cebu after graduation.
“Gloomy?”
Tipid niyang nginitian si Noah. “Hindi ko makita si Clarisse, eh. Unreachable na rin sa phone at inactive ang socmed niya.”
“Baka lum
