Nagising siyang medyo magaang na ang pakiramdam. Maliwanag na sa paligid. Lumulusot ang pang-umagang liwanag sa manipis na kurtinang nakalaylay sa bawat bintana. Sinilip niya ang sarili sa ilalim ng kumot. Suot pa rin niya ang maternity dress kahapon. Ni hindi man lang siya nakapaghilamos at nakapagpalit.
It was all because of him.
Inut-inot siyang bumangon at hinagilap ng mga paa ang slippers.
Bago pumanhik ng banyo para maghilamos ay sumilip muna siya sa labas ng bintana. Hinawi niya ang kurtina at pinagsawa ang mga mata sa luntiang bakuran. Ang sarap sigurong makitang naglalaro ang mga anak niya sa likod-bahay. Pero alam niya, hindi na sila muling tutungtung sa pamamahay na ito. Sa susunod na araw nga ay uuwi na sila ng Pilipinas. Katunayan ay may clearance na siya for travel mula
