Nasundan pa ang pagdalaw ni Penne sa mansion ng mga Alcantara. As usual, laging sumusunod si Noah sa kasunduan. Inuuwi nito ng tama sa oras ang anak nila. Sa bawat pag-uwi nito ay lihim siyang naghihintay kung magdadala ba ulit si Noah ng bulaklak, pero wala.
Did she expect anything?Hindi, ang sagot ng utak niya. Oo naman ang baligtad na ibinubulong ng puso. Ang utak at puso niya, nasa iisang katawan pero gumagawa ng magkaibang desisyon. Dagdag prustrasyon at gulo sa kanyang kalooban.
At hinihintay din niyang muling tawaging ‘Ali’ ni Noah.
“Nababaliw ka na, Alina.”
Madalas ding sa pag-uwi ni Penne ay napupuno ito ng kwento sa kabaitan ng lolo nito. Base sa mga kwento ay parang nakikita na rin niya kung gaano kamahal ni Sir Francis si Penne. Nakita niya iyon noong nasa Texas sila. Sa
