Isa.
Dalawa.
Tatlo.
Pang-ilang silip na ba ang ginawa ni Noah sa kusina kung saan naroroon si Alina. Wala naman itong kinukuha. Sa pangatlong silip nito ay nagkahulihan pa sila ng mga titig at bahagya itong nagulat at napakamot ng ulo. It was a genuine reaction. Parang nahihiya na nahuli niya sa isang kasalanang nagawa.
“May kailangan ka ba?”
‘Di na niya natiis na tanungin ito. Pansamantala niyang inihinto ang paglilipat ng mga nilutong crinkles sa disposable containers. Tatalian niya iyon maya-maya ng pulang ribbon. Isang araw ay biniro siya ng receptionist sa ibaba na o-order ng baked goods niya. Masarap daw kasi ang mga gawa niya. Kalimitan kasi, ang mga staff ng condo ang nababahaginan ng mga luto niya na ayaw namang
pansinin ni Noah. Sinubukan niya nga minsan ang pang-uudyok n
