Narito ako sa tabing dagat ngayon habang may hawak na isang can beer. Dito ako naglalagi sa tuwing may problema ako. Umaga na nang ako ay nakarating rito dahil alauna pa lang ng madaling araw nang lisanin ko ang mansion. Napabuga ako ng hangin sa aking bibig nang maalala ko si Anya.
Gising na kaya si Anya? Iniisip ko pa lang ngayon na nagtatampo na iyon sa akin dahil iniwan ko siya. Nangako ako sa kan'ya kagabi na hindi ako aalis. Umiiyak na naman kaya siya ngayon o nalulungkot dahil wala ako sa tabi niya? Habang tanaw ko ang dagat na umaalon at patungo rito sa direksiyon ko. Isang matalim na pagtitig ko roon habang nasa isip ko si Anya. Napahigpit ang hawak ko sa can beer nang maubos na ang laman. Nayupi iyon saka ko inihagis ng malayo sa akin. Pangalawang can beer ko na iyon. Okay na si
