Takot ang aking naramdaman dahil narito sa lugar ang mga taong gustong pumatay sa 'kin. Nahanap na nila kung saan ako ngayon. Hindi ko alam kung ano ang pakay nila sa akin. Hindi man iyon sabihin sa akin ni sir Yvo, ayaw ko ipahalata sa kan'ya kung bakit nila ako nasundan dito sa kanilang lugar.
Narito ako ngayon sa sarili kong silid dito sa mansion, kalalabas ko lang ng banyo nang may kumatok sa may pinto. Agad ko tinungo ang pinto at binuksan.
"Sir Yvo!" ani ko. Para akong nagulat dahil nasa harapan ko siya at bihis na bihis na ito.
"Aalis na tayo ngayon Anya. Bilisan mo at nagmamadali na tayo. Maabutan pa tayo ng kalaban."
"Sir magbibihis pa ko." Nagsalubong ang dalawa niyang kilay.
"Binigyan kita ng isang oras para kumilos pero heto ang madadatnan ko. Hindi ka pa nakakapagbihis
