““SAAN KA pupunta?”
Biglang napahinto sa kanyang paghakbang si Hershelle. Gulat na nilingon niya ang nagsalita sa likuran niya.
Nasa paanan na ng hagdan si Edmark. Inaayos nito ang suot na coat.
“Nandito ka pa?” nagtatakang tanong ni Hershelle. Ang buong akala niya ay nakaalis na ito kanina pa.
“Of course, anong akala mo naman sa akin, multo?” napapailing na wika ni Edmark habang humahakbang patungo sa kinatatayuan ni Hershelle.
Naalarma si Hershelle. “Hindi naman. Nagtataka lang ako. Akala ko kasi nakaalis ka na kanina pa. I’ll go ahead.” Umatras siya saka tumalikod. Pipihitin na sana niya ang doorknob nang muling magsalita si Edmark.
“Hindi mo pa sinasagot ang tanong ko. Saan ka ba pupunta? Sumabay ka na sa akin. Ihahatid kita.”
Muling nilingon ni Hershelle si Edmark. “No than
