“WOW! ANG dami namang pasalubong niyan!” natutuwang sabi ni Rosaline nang iabot sa kanya ni Hershelle ang dala nito.
“Siyempre, alam ko kasi na mahilig kang kumain, eh,” nakangiting tugon ni Hershelle.
“Thank you, ha? Kukuha lang ako ng utensils para makain na natin ito.” Tumayo si Rosaline. Pagbalik nito ay may dala ng platito, tinidor, at juice. Pagkalapag nito ng dala sa center table ay binuksan nito ang kahon ng hopia at naglagay sa kani-kanilang platito.
“Kumusta naman ang bakasyon ninyo? Maganda ba iyong lugar na pinuntahan ninyo?”
Napangiti si Hershelle. “Yeah, maganda doon sa Puerto Princesa. Iyong Glorious Hotel na nandoon ay malapit sa beach. Hindi man maiko-consider na resort ang hotel, marami pa rin namang guests na nagpupunta roon kasi malapit lang ito sa beach at maganda
