KASALUKUYANG nagbabasa si Hershelle ng pocketbook sa lounge chair na malapit sa swimming pool nang bigla na lang niyang marinig ang malakas na pag-dive ng kung sinuma sa swimming pool. Kasunod nito’y naramdaman niya ang malamig na tilamsik ng tubig. Bigla siyang napatayo at inis na nilingon ang lumalangoy sa swimming pool.
“Hoy!” sigaw niyang sambit’
Lalapitan sana niya ito ngunit bigla siyang napatigil nang lumutang sa tubig ang may-ari ng katawan. Si Edmark pala iyon at nakangisi ito sa kanya habang nakakapit sa gilid ng pool.
“Anong ginagawa mo diyan? Umagang-umaga ay nambubulabog ka,” asik ni Hershelle. Sabado ngayon at alam niyang walang pasok ang asawa niya. Kaya inaasahan niyang late itong magigising. Pero sa kasamaang-palad ay gising na pala ang loko. Alas-sais pasado pa lang n
