“NANAY ANITA, nasaan po si Edmark? Nakaalis na po ba siya?” usisa ni Hershelle nang humarap siya sa hapag-kainan ng umagang iyon.
“Oo, iha. Kaninang alas-siyete pa siya umalis,” sagot naman ng matanda habang naglalagay ng juice sa baso niya.
Dalawang linggo na ang lumipas mula noong gabing huli silang mag-usap ni Edmark. Kinabukasan at ng mga sumunod pang mga araw ay hindi na niya ito naaabutan sa umaga.Pagdating sa gabi ay tulog na siya kapag dumarating ito. Mula rin ng gabing iyon ay hindi na siya lumabas ng bahay. Tinatawagan na lang niya si Rosaline kapag naiinip siya. Araw-araw din na tumatawag sa kanya si Jak pero hindi niya ito sinasagot. Ayaw niyang bigyan ito ng maling pag-asa dahil alam niyang mag-a-assume ito ng iba kapag nakipag-usap pa siya rito.
“Anong oras po siya uuwi? S
