حدوتة حب

الفصل الثامن

الحلقه التامنه ...حدوتة حب ?

الواتباد...

____________________

رفيقه / بس انت عارف ده مش بتاعي انا لوحدي

ريان / اكتبيه بس انتي ب اسمي و انا هشتغل بيه

رفيقه / بس حمزه ..

ريان / حمزه مش هيتكلم بس طبعاً لو انتي اللي مش عاوزه دي حاجه ترجعلك انتي

رفيقه بحب / لا طبعاً هروح السجلات ف اقرب وقت و اكتبهم ب اسمك

ريان / لا سيبيلي الموقف ده انا هكتبهم ب اسمي و انتي وقعي

رفيقه /خلاص ماشي يا حبيبي اللي تشوفه

ريان / هاتي بس نخلص الورق سوا استني

_________________

فالعربيه قدام بيت مايا ...

علياء/ هنروح الجامعه من بكره ؟

مايا / مالك قايل انه خلصلنا الورق علطول

مالك / متقلقوش انتوا اكيد مش معتمدين على قلقاسه يعني

علياء بضحك / طب يا عم القلقاسه هتوصلني بكره الجامعه؟

مالك / اه و هنعدي على مايا كمان

مايا بابتسامه/ملوش داعي هتعبكوا معايا

علياء / بطلي هبل

مالك / والله مش تعب ولا حاجه بس انتي فعلا ف طريق الجامعه

علياء/ هو انت مبتروحش الجامعه بقالك كتير

مالك / بروح طبعا بس بما اني اخر سنه انا بروح اشقط و بتلكع عادي

علياء بضحك / ااااه طيب

مايا / خلاص تمام هستناكو بكره الساعه كام؟

مالك / الساعه ٨ ونص كده

مايا / و حوار اللغه اي؟

مالك / بتعرفي تتكلمي اسباني؟

مايا / لا بس بتكلم انجليزي بس

مالك / خلاص اتكلمي انجليزي

علياء/ اوكيه يلا يا بت انزلي من العربيه عاوزه اروح عشان انام

مايا ب ضحك / نازله نازله

مالك / خلي بالك من نفسك و جوز امك ده لو ضايقك قوليلي

مايا بابتسامه / متقلقش

علياء بملل / يلاااااا بقا كفايه

مايا ضحكت و مشيت و بتخبط على باب الفيلا ..

مالك مشي ..

مالك/ علياء انا...

علياء / و هي كمان

مالك بضحك / عارفاني هقول اي

علياء بابتسامه / مايا اكتر واحده محترمه و كويسه و هتتصاحبو جدا و هي حبتك و هي مش سهله تحب حد علفكره هنبقا صحاب حلوين اوي

مالك بضيق/ اه صح

علياء / يلا امشي امشي

___________________

دخلت مايا البيت كان الجو متأخر و الفيلا كانت مضلمه قلعت الكعب و بدأت تتسحب عالسلم سمعت صوته ايوه هو لسه صاحي؟؟

ريان / صباح الخير الساعه ٣ الفجر و حضرتك قافله تليفونك

مايا / خليك ف حالك

ريان باستفزاز/ انتي عارفه يا مايا انك اكتر شخص بحب استفزه؟؟

مايا ببرود/ و انت عارف انك اكتر شخص مبيعرفش يستفزني

ريان رفع حاجبه..

ريان / اي رايك نجرب !

مايا / افندم ؟؟

ريان / رفيقه مضيتلي عالمصنع اللي بإسمها

مايا بزعيق/ انت اي يا اخي معندكش دم ؟؟

ريان بضحك/ شوفتي قدرت استفزك ازاي؟؟ هو الحقيقه لسه هتمضي بكره

مايا ببرود/ والله لاقولها

ريان / اممم خلينا نفكر شويه كده ! ماشي قوليلها

مايا بتجز على سنانها ..

مايا / اقسم بالله معندكش ريحة الدم

ريان زقها من قدامه و طلع اوضته

اما هي دخلت اوضتها و عيطت اترمت عالسرير من خوفها و قلقها ....

مايا بعياط/ يارب انا عملت اي فحياتي ؟؟؟

افتكرت للحظه كلام مالك!!مالك يساعدها؟

نامت و هي عقلها فيهه مليون حاجه

________________

صوت المنبه العالي !!

كورتي البعبع؟؟

صحي ريان على صوت المنبه العالي و ف عقله ؟؟ مين السخيف اللي عامل المنبه ده ؟ سمع من اوضة مايا و دخل من غير م يخبط و هي نايمه و مش حاسه بصوت المنبه العالي اللي صحا ريان من الاوضه اللي فاخر الممر ..

ريان ب **ل / مايا انتي ظابطه المنبه عالساعه ٦ و نص ليه ؟ انتي يا بنتي اصحي و نايمه بهدوم الخروج كمان ؟؟؟

مايا ف سابع نومه ..

ريان بزعيق / مايا

مايا اتفزعت / في اااااي

ريان بنرفزه / مفيش المنبه صحانا مش اكتر

مايا ابتسمت / طب قول صباح الخير

ابتسامتها دوبت نرفزته و تكشيرته رقتها و هي صاحيه خلته يتنح ..

ريان بابتسامه / طبعا صباح الخير و الورد و كله يعني

مايا تنحت و قامت بنرفزه !!

مايا / اي اللي مدخلك اوضتي يا حيوان انت؟

ريان كشر / اتنيلي شوفي عامله المنبه ده ليه

مايا / الجامعه!

ريان / جامعة اي انا مسجلتلكيش ف جامعات لسه

مايا قامت فتحت الدولاب بلا مبالاه

مايا / مالك سجلي انا و علياء و هنروح عشان منتأخرش الترم ناقصله ٣ شهور

ريان اتنرفز حس دماغه بتطلع نااار نااار لما سمع اسمه

ريان بزعيق / هو مالك ده طلعلنا فالبخت؟؟

مايا بزعيق/ انت مالك انت؟ ورقة الوصايا اللي معاك دي تنفعك انت مش انا

رفيقه دخلت الاوضه ..

رفيقه / في اي يجماعه ؟؟؟؟

ريان ببرود/ واضح ان بنتك عدوانيه اوي تجاهي

رفيقه بنرفزه / ارجوكي بلاش الوضع ده انتي ليه مش فرحنالي ؟

مايا بسخريه /انا حاسه اني شوفت السيناريو ده قبل كده؟ مش فرحنالك و الجو ده؟؟؟

رفيقه بتنهيده / مايا بلاش..

مايا / الاستاذ متجوزك عشان ياخد منك مصنع

رفيقه بنرفزه / دي كدبه جديده صح ملقتيش حاجه تدمري بيها حياتي ! انتي راجعه تنتقمي مني و تسودي عيشتي و مستخسره فيا الفرحه؟ ريان عمره ما يعمل كده يمكن اعرفه اكتر منك انتي شخصياً

مايا بصدمه / انتي ازاي متصدقنيش و تصدقيه ؟

رفيقه بزعيق/ انا اعرفه من زمان قبلك انتي شخصياً و عمري ما فهمتك اللي فهمته غير انك حقوده و عمرك م حبتيني

مايا بدموع /انا استحاله اقعد هنا ثانيه واحده

رفيقه بزعيق/ برااا

ريان / مش هتمشي ف حته هتفضلي هنا

رفيقه / لأ هتمشي

و رفيقه زقت مايا

رفيقه / يلا براااا

ريان بزعيق / مش هتمشي هتفضل هنا

رفيقه / دي ناكره للجميل ازاي هتسيبها هنا؟؟؟

ريان / انا قولت اللي عندي

مشي ريان دخل اوضته

رفيقه بصتلها بأرف و خرجت ..

مايا كل اللي كان عليها هو العياط ده كأنه كان عارف انها مش هتصدقها !!

لبست مايا و خرجت قدام باب البيت مستنيه عربية مالك الرمادي

ريان شافها من البلاكونه خد مفاتيحه و لبس الكوتشي بسرعه و خرج ..

ريان / هوصلك اركبي العربيه بتاعتي

مايا ببرود/ هروح مع مالك

ريان بزعيق / يلعن ابو مالك ده بقولك اركبي

مايا باستفزاز / ملكش حكم عليا

ريان مسكها من ايدها جامد و بيحاول يركبها العربيه بالعافيه

مالك جه و شاف الموقف نزل بسرعه من العربيه و مسك ريان ض*به

___________________

حمزه بزعيق / يعني اي المصنع هيبقا شريك معايا فيه ؟؟ لازم ن*دد رفيقه عشان متهدلهوش هن*ددها ب بنتها .

عارفه الحلقه صغيره لو التفاعل حلو عالروايه بنزل التاسعه❤