حدوتة حب

الحلقه الاولى....حدوتة حب? ________________ ...انا مش هينفع اجرح قلبي اكتر من كده انا عايشه ف حلم عمره م هيتحقق ازاي همثل كل ده!!و هو ده الحقيقه اساساً !! إزاي همثل الحقيقه؟؟ انا بحبه و منكرش و لكن اتمنى الحدوته متخلصش _________________ منبه بيرن ف شقه طرازها قديم بالقاهره الكبري .. يا صباح الرعب الساعه ٦ و ع المخوفين داخل مدينة الرعب المحافظه على فروق التوقيت درجه الحراره ٤٦ و ده كويس للزواحف :فصل: علياء بنرفزه/مايا انتي بجد صدعتيني بالمنبه و حتى مش بتصحي عليه اي يارب الو**ه دي مايا بنعاس/عليااء اخرسي شويه علياء/يخربيييتك قومي علينا محاضرات و كليات مايا/يوووه انتي وقعالي فالبخت كده!!!!سيبيني اكمل الحلم و اتضايقت و قامت مايا علياء/انا اللي هخش الحمام الاول مايا/لاء انا انتي صحتيني علياء/خشي بس يارب متناميش جوااااا عشان منتأخرش _________________ "مايا مصطفى الغوري ٢٠ سنه كلية صيدله عنيها زرقا و جسمها ٧٠ كيلو و مظبوط على طولها و قمر جداً ابوها مطلق مامتها و عايش ف المانيا امها رفيقه ست مهمله و اتجوزت هي كمان و بتيجي نادراً مصر و عايشه ف السعوديه مايا شعرها اسود طويل معدي كتفها و هي اموره جداً " "علياء رفاعي المهدي ٢٠ سنه كلية حقوق شاطره جدا و عيلتها غنيه لكن اختارت تعيش بعيد عنهم و تدرس بالقاهره عشان تفيد بلدها و تطلع محاميه قد الدنيا و قعدت مع صديقة عمرها مايا عشان تعرف تذاكر و تبعد عن حياة اهلها المليئه بالفلوس و الفشخره الكدابه.. عندها ام سوزان و ابوها رفاعي من اكبر تجار القطن في مصر و عندها اخ اسمه مالك عايش ف اسبانيا " ________________ بداخل مبنى الجامعه ... ....مايا يا مايا مايا بزهق/زين ازيك؟؟ زين بابتسامه/الحمدلله المهم انتي عامله اي مايا/كويسه زين/عندنا مشروع حلو اوي عاملينه تبع كلية صيدليه رحله عباره عن خيمه وطو ندفي نفسنا ب نار يعني رحله بريه و إجتماعيه و مفيهاش اي نت او تكنولوجيا الرحله دي هتطلع الاسبوع الجاي اي رأيك تيجي معانا؟؟ مايا بملل و هي بتحط كتبها عالمدرج و قعدت/بس انا مبحبش الحاجات دي و اي لازمة انها اجتماعيه و هنتكلم مع بعض ف اي بقا؟؟ زين/م هو ده الموضوع اصلا مايا/ايوه بردو يعني يعني اي زين/هيروح معانا شوية اطفال هنحكيلهم قصص و حواديت و نثقف نفسنا و نبقا اجتماعيين مش زيك كده انطوائيه مايا/هفكر فالموضوع ده عجبتني الفكره الاخيره دي و ارد عليك زين/ارجوكي متتأخريش عشان تلحقي مكان مايا/حاضر يا زين اتفضل بقا المحاضره بتاعتنا هتبدأ ____________________ مشي زين و خلصت المحاضره خرجت مايا طلعت شقتها اللي جمب الجامعه و دخلت اوضتها اللي هو مفيش فيها غير علياء و مايا اتفاجئت ان علياء بتكلم اخوها مالك فيديو كووول عاللاب .. علياء بحب/انت بجد وحشتني مش ناوي تنزل بقا يا عم ؟؟ مالِك/صدقيني هعملهالكوا مفاجأه كبيره و هنزل علياء /ارجوك انا محتاجاك البيت من غيرك وحش مالك/و انتي بردو اي اللي قعدك ف شقة صاحبتك علياء ب ابتسامه/مش لوحدي معايا صاحبتي مايا بحكيلك عنها علطول طيبه و عسوله اوي حتى اهي جات مالِك بضحك/دماغك ناشفه هتعملي اللي عوزاه بردو علياء/كفايه عليك كده امشي بقااا عشان اروح اذاكر مالك/ماشي يا ستي اجتهدي يا سيادة المحاميه علياء/سلام.. قفلت علياء مع مالك و مايا كانت على سريرها علياء/مايا اي رأيك فالحب ؟؟ مايا ابتسمت/الحب ده شئ كبير علينا اوي يا علياء مش اي حد يحب و يتحب الحب دي حدوته لازم تحكيها كويس اوي عشان تبقا حلوه و محدش يقول عليها منتوته علياء بضحك/مكنتش اعرف انك واقعيه كده يا ست يويو مايا ضحكت ... مايا / بالع** انا عمري م جبيت الواقع انا مؤمنه ان الواقع ده شئ سخيف و مسير القدر يغيره علياء/طب من نظرة خيالك مين هو فتى احلامك!! مايا بإبتسامه/معرفش بس اكيد هلاقي بطل الحدوته علياء/ماشي يا ستي انا هخرج اجيب عشا عشان جعت و البيت فاضي اوي اجبلك معايا؟؟ مايا/لو مش هتعبك هاتيلي اي سندويتشات علياء/حاضر و لبست علياء الجزمه و خرجت... مايا بصت ب يأس و فتحت اللاب بتاعها و ابتسمت لوجود صورة مالك عاللاب ..ايوه اللاب بتاعها عليه صورة مالك مايا/لو تعرف بحبك قد اي بس بينا مسافات كبيره اووووي استحاله تقرب المسافات دي متر حتى انت متعرفش اني موجوده فالوجود اصلاً بحبك من كلام علياء عليك اتمنى لو اشوفك مره عالطبيعه حتى . ابتسمت مايا و دخلت الفيس بوك و كالعاده فتحت صفحة مالك رفاعي نوصف مالك اللي مايا معجبه بيه.. "مالك رفاعي المهدي ٢٥ سنه عايش ف اسبانيا طوله ١٧٣ جسمه رشيق و جميل و بتاع جيم عينه بني غامق شعره جميل سايح لورا بس مش بيعمله استشوار قمحاوي فاتح اللون و الاهم من ذلك انيق " و مايا قاعده عالفيس والدتها اتصلت ماسنجر هنجت اللاب داست اضافة صديق غصب عنها و مخدتش بالها اصلاً.. مايا/ايوا ي ماما؟؟ رفيقه/حبيبتي وحشتيني مايا بنرفزه/لا يعقل بتقوليلي وحشتيني و بقالك شهرين مسألتيش عليا رفيقه/انا بتأسفلك جداً انا بتصل بيكي عشان اقولك خبر يفرحك مايا بملل/قولي ي ماما رفيقه بابتسامه/هتنقل اسبانيا مع جوزي الجديد مايا بزعيق/اووووف ي ماما انتي اتجوزتي تااااااااني رفيقه بتكشيره/و اي المشكله مستخسره فيا الفرحه ؟؟ مايا بزعيق/فرحة اي انا زهقت زهقت بدل م انتي واخده بالك من نفسك و شايفه نفسك و بتحبي نفسك حبيني شويه حبيني انا بنتك زنبي اي اني افضل بدون ام و اب مهملين زيكوووووو رفيقه تنحت.. رفيقه/مايا انا مايا بدموع/انا مش عاوزه اعرفك تاني و قفلت السكه ... مايا قعدت تعيط و قفلت اللاب و دخلت عليها علياء .. علياء كشرت و حطت الاكياس عالمكتب و جريت على مايا.. علياء/انتي كويسه!! مايا بعياط/ابقا كويسه ازاااي و انا هنا لوحدي بين اربع حيطان مليش برا لا عزيز ولا غالي و لا اهل و لا اب و لا ام علياء / اهدي بس احكيلي اي اللي حصل ف غيابي مايا مسحت دموعها و اتعدلت.. مايا/امي اتجوزت تاني مره و هتنتقل اسبانيا هي عايشه حياتها هنا و هنا و ف كل مكان و انا قاعده هنا لوحدي طول حياتي حتى الاجازات مليش حد اروحله فيها مليش حد ي علياء مليييش هي مش واخده بالها ان ليها بني ادمه هناا علياء طبطت عليها/اهدي عشان خاطري ربنا معاكي و هيعوضك ب كل حاجه حلوه مايا بدموع/عمري م حصلت حاجه انا كنت عاوزاها عمر م حياتي ضحكتلي يا علياء علياء/عشان خاطري اهدي كده و استريحي مايا مسحت دموعها/هخش الحمام علياء تن*دت و غيرت هدومها و نامت عالسرير و طلعت مايا طفت النور و نامت عالسرير لكن فضلت ساعه تتقلب و بعديها فتحت اللاب مايا لقت اشعار عالفيس و ان مالك المهدي قبل الادد مايا تنحت/اي ده؟ امتا حصل ده؟؟؟؟ ينهار اسووود امتا بعت ادد!!!ينهار اسووووووود علياء اتفزعت و قامت .. علياء/في اي يا مايا مايا بدموع/بعت ادد لاخوكي و قبل علياء بنرفزه/و بتصوتي عشان بعتيله ادد و قبله كتك نيله و اي المشكله م انا كلمته عنك كتير و هو عارفك مايا/عارفني؟؟ علياء/ايوه اتخمدي بقا و علياء ديرت وشها بالبطانيه و نامت مايا ابتسمت لكن كانت هتنفجر من الانبساط اما لقته بعتلها اشارة ترحيب و هي بادلت اشارة الترحيب مالك/علياء كلمتني عنك كتير جداً زهقتني بيكي ? مايا/زهقت ؟? مالك/بهزر اكيد مزهقتش لكن بالتعبير انها كلمتني كتير عنك مايا/كلمتني عنك كتير جداً بردو مالك/علياء حبت الجامعه عشان انتي موجوده فيها والله مايا/ربنا يخليك مالك/انتي قسم اي بقا ي مايا مايا/على اساس هي مقلتلكش!! مالك/غلطان اني بفتح مواضيع يعني!!!! مايا/لا طبعا اتكلم ي مالك انا قسم كلية صيدله مالك/قسم جميل جداً شكلك شاطره مايا/على حسب مالك/قاعده لوحدك ليه يا مايا و قبلتي اختي الهبله دي عندك مايا/عادي يعني والدتي مسافره و متجوزه و ابويا مسافر و متجوز قولت اقعد مع علياء مالك/ربنا يعينك مايا/يارب مالك/مش عاوزه تسألي عن حاجه تبعي مايا/لا كل حاجه علياء قيلهالي معنديش اي حاجه اسألها مالك/تصبحي على خير مايا/و انت من اهله قفلت مايا اللاب و استغربت مايا/ماله ده؟؟ قال فجأه تصبحي على خير كده !!! يلا اهو مش مشكله و نامت مايا... و جه الصبح.. علياء/انتي يا بتتتتت اصحي مايا صحيت بسرعه و قعدت و ابتسمت علياء بضحك/مش كنتي مكتئبه امبارح و بتعيطي مايا بضحك/عادي فرفشت مفيش حاجه تستاهل علياء بابتسامه/طب يلا البسي عشان محاضرتنا احنا هنا جايين عشان ندرس و بس و تعملي صيدليه قد الدنيا و اجي اشتري منك الدوا ببلاش مايا بضحك/اعمل صيدليه كده مره واحده علياء ضحكت/و ماله يعني تشتغلي الاول و تحوشي و تعملي صيدليه مايا/طموح اوي انت ياض يا محمد علياء ضحكت و مايا ضحكت و مايا دخلت الحمام و علياء لبست و نزلت... __________________ مايا نزلت و دخلت مبنى الصيدله و لقت زين واقف بيقرا ف كتاب ... مايا جريت و نادته/زين زين/اي يا مايا مايا /موافقه اجي معاكو المشروووع ده زين ابتسم/الحمدلله يلا بقا تعالي اسجل اسمك ___________________ عدا المحاضرات و تسجيل المشروع ده و خرجت مايا من الجامعه تشتري حاجات و اتفاجئت ب مامتها مايا تنحت... __________________