حدوتة حب

الفصل التاني

الحلقه التانيه....حدوتة حب?

___________________

مايا اتفاجئت ب مامتها و هي طالعه من الجامعه و تنحت مبقتش عارفه تعمل اي او تقول اي...

مايا بدموع/انتي اي اللي جابك هنا

مسكت رفيقه ايديها بحنيه بتحاول تداويها وتفهمها شعورها .

رفيقه/بصي انا جيالك مخصوص خلينا نقعد نتكلم

مايا سكتت مكنش في ايدها شئ تاني /طب تعالي نقعد ف اي كافيه قريب هنا

رفيقه خدتها و دخلوا كافيه و قعدوا وبدات رفيقه بالكلام

رفيقه/مش عارفه ابدألك منين لكن حقيقي انا عارفه ان انا مهمله فيكي و مش قد المسؤوليه لكن جيت هنا اصلح غلطتي

كان باين انها ندمانه فعلا

مايا ابتسمت بسخريه/و جايه بقي تصلحيها ازاي؟؟

قالت رفيقه بحماس

رفيقه/هاخدك معايا ف كل حته هروحها و هعيشك احسن عيشه هاخدك معايا اسبانيا و تتعلمي هناك و كمان جوزي الجديد شخص كويس جداً و هو اللي قالي اجيبك و هيصرف عليكي و معندوش اي مشاكل و هو كمان غني جدا و معاه فلوس

مايا/انتي قولتي انك عاوزه تصلحي غلطتك لكن انتي كده بتسوءي الوضع اكتر

رفيقه استغربت/اشمعنا

مايا/انتي مش قادره تفهمي ان انا محتاجه حب و احتواء محتاجه حد يبقا جمبي انا مش عايزه فلوس و لا سفر و مش عاوزه اي حاجه من اللي قولتي عليها انا محتاجه منك قلبك و عطفك و حنانك

رفيقه مسكت ايديها وقال في جديه..

رفيقه/انا بحبك ي مايا مفيش حد بيكرهه بنته بحبك و لو انتي اديتيني فرصه تبقي قدامي هد*كي الحنان و العطف و حب الام اللي انتي عاوزاه انتي اللي طول عمرك بتكرهي تفرحيلي و بترفضي تيجي معايا ف كل حته

مايا بنرفزه/عشان انتي بتضيعي نفسك يا امي ليه متعيشيش حياه حلوه مع بنتك

رفيقه/كل واحد بيحب يختار حياته و انا اختارت ان يكون ف حياتي رفاهيه ياريت تقدري الموقف ده.

بعد سكوت دام دقايق حاولت تديها مساحتها وتفكيرها عشان متطينش الدنيا اكتر و يتخانقوا..

رفيقه/انا قاعده ف مصر ١٠ ايام و هطلع على اسبانيا ارجوكي فكري كويس

رفيقه سكتت و سابت مايا مشيت و مسحت مايا دموعها و نادت لجرسون الكافيه..

مايا/لوسمحت عاوزه قهوه

...حاضر ي فندم

شخص ما على ترابيزه قدام مايا بيتكلم فالتليفون وهي سمعته بالصدفه في عز سكوتها

**/قلتلك ملكيش دعوه بيا تاني انا زهقت منك حقيقي انا اتجوزت انتي مالك بقا ؟؟ايوه اتجوزت .لا اسكتي خالص انتي انسانه مق*فه

مايا انزعجت من وجود الشخص اللي معندوش دم ده و خرجت مستنيه تعدي الطريق و ماسكه الموبايل بتطلع رقم مامتها عاوزه تكلمها..

عدت الطريق بلا مبالاه

صوت زمارة عربيه فاقت عليه كان بينها و بين العربيه متر لكن فيه شخص مسكها و زقها نحيته و تفادت العربيه و العربيه عملت فرامل وكأن حياتها ضاغت و رجعت تاني..

ده نفس الشخص اللي انزعجت منه فالكافيه!!!

**/ي انسه خلي بالك

مايا سرحت ف نفسها متعرفش اي اللي حصل بتحاول تستوعب..

**/ي انسه!!!انتي ضايعه خالص؟؟

مايا /اسفه اسفه

و بعدت مايا بعد ما ادركت الموقف..

**/انا اسمي ريان و انتي!

مايا بنرفزه/احنا هنتصاحب!!!

ريان بنرفزه/ده بدل ما تشكريني!!انتو الصنف ده كلو شبه بعض كتكو نيله

و مشي ريان و سابها..

مايا جريت وراه..

مايا/يا اخ انت استنى

مايا/يا استاذ رين انت

ريان وقف/اسمي ريااان ريااان اي رين ده؟؟

مايا/متتكلمش بنرفزه كده الله انا بس حبيت اشكرك و اتأسفلك انا مكنتش واخده بالي طالعه من صدمة.

بقا هادي شويه عشان يحترم شعورها..

ريان/ عادي ولا يهمك

مايا/بتأسف ليك مره تانيه عن اذنك

ريان/استني ثانيه..

مايا/اي؟

ريان/انتي لولايا كنتي زمانك موتي

مايا/اي يا استاذ اللي بتقوله ده!!مت!! بتفول عليا.

ريان/تعالي نشرب فنجان قهوه؟

مايا باستغراب/بمناسبة اي

ريان/هعرض عليكي عرض

مايا/عرض اي

ريان/ممكن بس تقعدي فالكافيه و نتكلم عادي؟

مايا بي توتر/تمام

دخلت مايا الكافيه و قعدوا وفضلت ساكته ومستغربه...

ريان/اقصد يعني عاوز منك خدمه انسانيه

مايا /هي لو انسانيه ماشي يعني بس بردو اسمعها

ريان/دلوقتي انا اسمي ريان دكتور اسنان بس عندي شركات وارثها من بابا عندي ٣٠ سنه والدي م**م يجوزني بنت عمي هي بت بصراحه معندهاش ذوق و قمت قلة الادب فيها و هي مش عجباني خالص اخلاقياً لكن شكلياً هي اموره

مايا باستغراب/ و مطلوب مني اي!!

ريان/ احم ..هتمثلي انط مراتي

مايا بزعيق/اي الهبل ده انا بنت ناس اي التخلف ده

ريان/وطي صوتك ادينا بنتكلم و بنتفاوض و بعدين انا انقذتك من شويه انقذيني انتي كمان هو انتي هتمثلي انك مراتي لمدة ١٠ ايام و مقابل فلوس

مايا سكتت شويه...

مايا/اشمعنا ١٠ ايام

ريان/عشان انا كده كده هسافر

مايا/و انا كمان هسافر بعد ١٠ ايام بس بردو انا مينفعش اعمل حاجه زي كده

ريان/هعرض عليكي ٣ مليون جنيه

مايا تنحت و ردت بتوتر/لأء بردو

ريان/٥ مليون

مايا جه بتفكيرها للحظات انها مش مجبره تسافر مع امها بل بالع** ممكن تاخد الفلوس و تأسس حياتها الكامله و تعيش حياه سعيده

مايا/تمام ٥ مليون بس في قواعد هتتحط

ريان ببرود/موافق

مايا/مسمعتش القواعد؟؟؟

ريان ببرود/اتفضلي

مايا/اولا م***ع نفضل ف مكان لوحدنا ثانياً هاخد نص الفلوس عالاقل مقدم و لازم اعرف عنك حاجات كتير اوي الموضوع مش سهل دي مأموريه.

ريان ضحك بسخريه/و انا ايش عرفني انك هتهربي انا هديهالك فالاخر عالاقل انا الفلوس دي متفرقش معايا و هديهالك

مايا بعدم ثقه/ماشي

ريان/هاا يبقا اتفقنا؟؟؟؟

مايا/اووووف هحاول

ريان ابتسم ببرود/اشكرك جدا

مايا/عن اذنك بقا

ريان/ثواني طب

مايا/اي تاني؟؟

ريان/انتي لازم تيجي معايا

مايا/ليه

ريان/لانك مراتي و لازم تبقي معايا

مايا/احنا كده هنبدأ نستعبط بقا !!

ريان /ارجوكي يعني شوفي عيلتك هيبقا عندهم اعتراض لو انتي جيتي عندي كأن مثلا هتباتي الكام يوم دول عند صاحبتك

مايا/انت عاوزني ابات ف شقتك انت اكيد اتجننت

ريان/انتي فاهمه غلط دي فيلا عائليه يعني هتبقي في حمايه

مايا/انا معرفكش عشان اتطمن

ريان/المهم استأذني عيلتك ب اي حجه

مايا سكتت شويه و قالت/ماشي سيبني افكر النهارده

ريان/هاتي تليفونك

مايا/اتفضل

سجل رقمه و ادهولها..

_________________

روحت مايا بيتها و ف دماغها مليون حاجه..

كانت دماغها عباره عن انها لازم تساعد الشخص ده هو باين عليه طيب و دماغ تانيه بتقول لازم هتسافر يمكن فعلا مامتها تحنلها و هه جه في بالها فجأه انها مسافره اسبانيا!!!!ده اروع صدفه مالك ف اسبانيا!! بس متنساش ان العرض ده عشان متسافرش و تعيش حياتها و مش مجبره انها تسافر يمكن مالك متعرفش تقا**ه و تبقا نهت حياتها مقابل شئ سخيف غير مؤكد بما انها صاحبته من النت تقدر تشوفه عالاقل كاميرا و يتكلمه

مايا بفرح/اي التفكير اللي بفكر فيه ده دلوقتي بس!!انا لازم اساعد الراجل ده

علياء دخلت الاوضه فجأه..

علياء/تساعدي مين؟؟؟

مايا بتوتر/علياء عاوزاكي ف حاجه مهمه جداً

علياء بفضول/قولي ي مايا خير؟؟

مايا بتوتر/علياء انا..

علياء/هااااا انجزي.

مايا/بصي هي كانت الاول حادثه واحد فالكافيه ازعجني اسمه ريان و كان بيتخانق مع واحده و قالها انه اتجوز بعديها انا قومت خرجت من الكافيه و كنت هعمل حادثه لكن هو انقذني فعلا كنت هموت حاجه كده زي الروايات.

علياء بضحك/طب و اي المشكله

مايا/بصراحه كان حلو اوي عينه **تنائيه و دقن خفيفه و حلو لدرجة اني مرفضلوش طلب

علياء بصدمه/و هو طلب منك اي ينهارك اسود؟؟؟

مايا/طلب اان...

علياء بنرفزه/ينهارك اسووووود عملتي كده ليه مفكرتيش ف مستقبلك حرام عليكي ي غ*يه

مايا بزعيق /علياء مش اللي ف دماغك خاااالص

علياء بهدوء/اومال اي؟؟

مايا قعدت عالكرسي قدامها و علياء واقفه

مايا/طلب مني امثل اني مراته

علياء/تمثلي!!

مايا/اه قدام اهله

علياء/و هو معندوش صحاب او بنات تانيه غيرك تمثل؟؟

مايا/اكيد لاء هو اداني رقمه و قاالي ارجوكي انقذيني و فكري

علياء/يعني هتمثلي لكن مش هتتجوزوا!!

مايا/تمثيل بس زي حدوته كده بس هو بصراحه صعب عليا شويه قولت ممكن اساعده!! مقا**ها ٥ مليون جنيه و هقدر أأسس الحياه اللي بتمناها دايما

علياء قعدت جمبها بهدوء..

علياء/عنده كام سنه!!منين؟؟بيشتغل اي؟و اشمعنا انتي ؟؟

مايا باستغراب/ولا اعرف

علياء بفزع/غ*يه

مايا/ااايييي ي شيخه خضتينييي

علياء/اتصلي بيه قولي انك عاوزه تعرفي عنه معلومات

مايا/ليييه؟؟

علياء/ده حقك لانه بيطلب منك طلب كبير اوي

مايا/هو انا المفروض هروح فيلا عيلته و هسكن فيها

علياء بشهقه/هتروحي فين يبنت الهبله

مايا/هو طمني دي فيلا كلها عيلته يعني بيت عيله كبير

علياء/طب يلا اتصلي و افتحي اسبيكر و اي حاجه هحب اقولها هكتبهالك فالورقه و تقوليها

مايا بتوتر/تمام

علياء/استني هجيب ورقه و قلم

جريت علياء بتدور على قلم و ورقه بسرعه و قعدت جمبها..

علياء/اتصلي اتصلي

مايا بتوتر/اتصلت

ريان/الو مين!!

مايا/الو استاذ ريان!انا مايا

ريان ابتسم/مايا ازيك

مايا/كويسه...ااا..كنت عاوزه بس اعرف شوية معلومات كده عشان اوافق على عرضك.

ريان/اتفضلي

مايا/بتشتغل فين!اسمك كامل!!

ريان بتنهيده/ تمام هكملك المعلومات.. ريان المغاوري عندي شركة تصدير و استيراد اهلي بيزنوا عليا اتجوز و اتجوزت بالفعل لكن مينفعش اقولهم اني اتجوزت البنت دي دلوقتي لازم بنت تانيه عشان كده محتاجك

علياء كتبتلها عالورقه "قوليله ليه البنت دي مش هينفع توريهالهم"

مايا بتوتر/ قوليلو ليه البنت دي مش هينفع توريهالهم؟

ضحك ريان بصوت عالي /مين بيقولك الكلام تقوليه ي مايا!! انا مش بحب كده

علياء بصوت خافت/غ*يه غ*يه

مايا/محدش بيقولي كلام ثم رد على سؤالي متوهش

ريان ببرود/نقدر نقول اسباب خاصه شويه

علياء شاورتلها انها توافق خلاص و كتبتلها كلام تقوله

مايا/ريان انت عندك كام سنه

ريان/قلتلك ٢٩

مايا بدهشه/سوري مركزتش بس ميبنش عليك تبان اصغر.

ريان ضحك/اشكرك ها وافقتي ولا!

مايا بصت لعلياء

و علياء بتشاورلها ب تمام وكانت مبتسمه و بتضحك و متحمسه جدا

ريان/اهم حاجه عيلتك

مايا/تمام والدتي و والدي اقنعتهم اني هقعد عند صاحبتي ووافقو

ريان بإمتنان/اشكرك جداً نتقابل بكره فالكافيه اللي كنتي فيه و تيجي بشنطة هدومك

مايا/تمام

ريان/سلام

مايا/باي

سرحت شوية متردده في القرارات دي كلها وكمية المشاكل اللي هتدخل نفسها فيها

علياء/اووووف اوصفيهولي بقا

مايا/م هو قالي اسمه هاتي نجيبه من فيس بوك

علياء بمرح/يلا يلا

مايا بضحك /هبله

فضلوا يبحثوا لحد ما جابت اكونته

مايا بمرح/ اهو هو ده هووو ده

عليا بصدمه/ينهار اسووووود

مايا/ في اي يا بت يا ملبوسه انتي؟

________