حدوتة حب

الفصل الثالث

الحلقه التالته .... حدوتة حب?

__________

مايا بمرح/اهو هو ده هووو ده

عليا بصدمه/ينهار اسووووود

مايا تنحت/في اي

عليا بشهقه/ده قمر اوي ده انتي تتجوزيه بجد ده مش لعبه

مايا بزعيق /خضتيني يا شيخه الله بقااااا

علياء بسهوكه/ده قمر اوي يخربيته ولا شوفي عيونه لونها ازااااي يلهوووي بجد عيونه لونها نادر جدا ان حد تبقا عيونه بني بارزه بالشكل ده و عيونه واسعه ما شاء الله و لا شوفي البلاد اللي سافرها و الفلوس و الثراء اللي باين عليه

مايا بزهق/كفايه بقا حبي فيه من على موبايلك و يلا روحي اوضتك نامي يشيخه

علياء بضحك/يوووه حاضر الله اهو هنحلم ب حلويات

مايا ضحكت و قفلت اللاب و دخلت اوضتها /نامت مايا و هي بتفكر ف مليون حاجه .

_اللي انا بعمله ده صح؟

_اسافر مع ماما ولا لأ؟

_الشخص ده ممكن يكون كويس؟

_ماما هتعوضني فعلا؟

_اعيش حياتي زي م انا؟

_ال خمسه مليون دول هيغيروا حياتي !!

لحد م زهقت و نامت نوم عميق...

__________________

صباح جديد ملئ بالاخبار السعيده و الاخرى السيئه التي تجعل التسعة ايام الموجوده اسهل او اصعب استيعاباً و قبولاً ..

في بيت كبير و طراز جديد يخرج منه صوت زعيق...

جومانه بزعيق/ازاااااااي الفستان يتحرق انتي عارفه ده خطيبي جايبهوووووووولي

الخادمه/اسفه يا انسه جومانه

"جومانه المغاوري اخت ريان المغاوري ذات الشعر الاحمر المصبوغ القصير عند الكتفين فتاه مجنونه رشيقه مخطوووبه عن حب ٣ سنين طيبه و مرحه عندها ٢٤ سنه"

جومانه بيأس و دموع...ارجوكي امشي من قدامي

الخادمهه مشيت

كان طالع ريان من اوضته و سأل ..

ريان /جومانه مالها

الخادمه/فستانها المكوى حرقته يا سعادة البيه و من ساعتها و هي زعلانه كده

ريان/معلش يا سُريه روحي لشغلك و هاتي الفستان

سُريه/اتفضل

دخل ريان اوضة اخته و قعد جمبها و ابتسمت

ريان/الفستان كان جايبه خطيبك ولا اي؟؟

جومانه بدموع هزت راسها ب اه

ريان/طب اي رايك تطلبي منه يجبلك فستان احلى

جومانه بخنقه/بس ده كان عاجبني اوي

ريان /ي ستي انا هجبلك زيه

جومانه ضحكت/بجد

ريان ب حنيه و طبطب على ضهرها/فرفشي بقا و اخرجي افطري مع خطيبك ده مثلا

جومانه/هو وراه شغل بس كنت هروحله المكتب

ريان/تحبي اوصلك ف طريقي؟

جومانه/انت هتروح العياده ولا الشركه

ريان بتوتر/ولا ده ولا ده هعمل مشوار هجيب فيه مراتي

جومانه بفرحه/بجد انا فرحنالك اوي يا ريان و مش مصدقه و متاكده اختيارك كويس و ماما و بابا يستقبلوها كويس

ريان ب ابتسامه/ان شاء الله

جومانه/متتاخرش

ريان هز راسه ب تمام و ابتسم و قام و فتح باب الاوضه و خرج

قابل عالسلم اخوه الاصغر منه هو و جومانه و يكون الاخير علي في تانيه ثانوي

علي ب ابتسامه/ريان وحشتني اوي

ريان /و انت والله

على/هتروح امتا تاني؟؟؟

ريان /بعد ١٠ ايام يا علوشي

علي بفخر/هخلص ثانوي و هاجي هبقا دكتور فالمستشفى بتاعتك

ريان /هستناك شايلك قسم بتاعك

علي ضحك/خلي بالك ماما من امبارح خلعه كُبس القنبله و لو شافتك هترميها هتنفجر فيك

ريان/متقلقش انا خارج اجيب مراتي و راجع ف مش هتعمل حاجه

_________________

في صباح جديد عن مايا صحيت و خرجت تحضر فطار عالسفره و صحيت علياء

علياء ب**ل/ريحة الاومليت رهيبه

مايا بضحك/ماشي ي ستي يلا كلي

علياء/حضرتي شنطتك

مايا/لاء

علياء/انزلي انتي هاتي عيش و هحضرهالك

مايا/تمام اتفاق حلو.

مايا نزلت تجيب عيش و علياء دخلت حضرت الشنطه لمايا

و رجعت مايا بسرعه..

مايا بترن..

علياء فتحت الباب..

علياء/لمخبز مكنش زحمه بقا؟

مايا/لا مكنش زحمه خالص

علياء بضحك/طب يلا البسي عدل و اتشيكي كده عشان تروحي الكافيه و تروحي بيت جوزك

مايا قرصتها...

علياء بوجع/غ*يه

مايا/١٠ ايام مقابل ٥ مليون واو بجد

علياء باستعجال/احلمي بعدين خشي البسي يلا

مايا لبست

عباره عن بنطلون ضيق بيرسمها حلو جدا و تيشرت بنص و بلورو طويل إلى حد ما و كوتشي و ديل حصان كانت حقيقي جميله جداً

علياء بخبث/شكلك عسل اوي ي بت

مايا بملل/سلام سلام هروح اقا**ه فالكافيه

مايا خرجت و قفلت الباب

علياء و هي بتاكل/والله الواد ده وراه حاجه!

_________________

مايا راحت الكافيه لقته قاعد ببرود بيشرب كوباية قهوه اللي يشوفه يقول معندوش هموم و هو اصلا ف دماغه مليون حاجه

قعدت مايا قدامه ...

ريان بابتسامه/صباح الخير

مايا/صباح النور

ريان/النهارده اليوم التاسع

مايا/تمام

ريان /يلا نمشي نروح البيت؟

مايا بتوتر/بيت عيله هه!

ريان بسخريه قال بتلقائيه/هاخدك انتي بيت خاص ليه؟؟من حلاوتك؟

مايا اتحرجت/بتأكد

ريان قام و راح عربيه و ركب و هي ف ايدها شنطة الهدوم حتى معندوش دم يحطلها الشنطه!!شكل الخمسه مليون مش هييجوا بالساهل

مايا ففتحت الباب الل ورا و ركبت العربيه و حطت الشنطه

ريان ضحك/تعالي فالمقعد اللي جمبي هو انا السواق بتاعك ولا اي!!

مايا/مش هقعد جمبك

ريان بابتسامه /براحتك

_________________

وصلو الفيلا و هو الوقت المنتظر لدى الجميع انهم يشوفو مرات ريان المغاوري

امه كانت منتظراه ٥٢ سنه تُسمى سيده مخلفه ريان ثم جومانه ثم علي

ابوه مصطفى راجل طيب ٦٥ سنه مبقاش قادر يشتغل اعطى لابنه الورث كله رغم ان ريان حابب شغله ك دكتور و كمان دكتور كبير ف اسبانيا

و طبعا متعرفين على جومانه و علي

مايا مندهشه من منظر البيت الكبير ده!!ده مش بيت ده زي القصر!!خدامين حراس!!فلوس فاحشه فعلا الخمسه مليون جمبهم ولا حاااااجه

ريان/هتستقبليهم كأنهم عيلتك و لازم ف ١٠ ايام دول ت**بي حب ماما عشان لما اسافر تطمن عليا

مايا /تمام متقلقش

ريان بخبث/كمان لو كنتي شاطره فالتمثيل ممكن افكر ازودلك فالفلوس

مايا بهمس/زود زود ده انا المليون بتزودها كأنها جنيه يخربيتك

ريان/افندم!!

مايا/ولا حاجه اتفضل رن الجرس

ريان رن الجر ثم بمجرد ما فتح الباب مسك ايد مايا

مايا بغضب بتسحب ايدها ..

ريان ماسكها بلا مبالاه

سُريه بفرحه...ريان بيه اتفضل

ريان دخل/فين امي و ابويا

سُريه/فالرسييبشن

ريان/دخل

مصطفى/حبيبي صباح الخير

سيده/الاستاذ جاي يقضي هنا مع مراته فالفندق خايف يجبها هنا لناكلها

مصطفى/اهو بردو عمل اللي ف دماغه اللي حصل حصل بقا نرحب بالبنت

سيده/تمام

ريان/دي مايا مراتي

مصطفى بابتسامه/ازيك ي بنتي

مايا ابتسمت/الحمدلله

جومانه نزلت/مش فاهمه ازاي حبتيه ده !!ده عنده انفصام فالشخصيه فظيييع الحقيقي

علي/اشهد على ذلك

ريان ضحك و غمز ل مايا ترد

مايا بضحك/عادي بقا اللي بيحب بيشوف الشخصيه مش بيبص للعيوب و هو شخصيته حلو جدا و حنين و هو الحب محتاج اي غير كده!

جومانه بحب/ليكي حق شكلنا هنتصاحب اوي انا جومانه اخت ريان

علي بابتسامه/و انا علي

مايا بفرحه/تشرفت بيكو

مايا فرحانه لانها وسط عيله كانت نفسها دايما ف عيله تبقا ضهر ليها لكن شافت العيله دي رغم الفلوس رغم كل حاجه مفيش حاجه بتفرقهم!!ياااه !كان نفسي ف عيله؟

جومانه/تعالي اوريكي اوضتك انتي و ريان

مايا تنحت/انا و ريان!

ريان بضحك/اي يا بنتي هننام ف اوضه مختلفه مثلا؟

مايا تنحت ...

جومانه/يلا تعالي اوضة ريان تحفه جدا و هتعجبك و كمان كبيره و الاوضه الوحيده اللي فيها حمام ب بانيو عشان الكبير ف متدلع يعني

و صوت رغي جومانا و مايا بيبعد

تدريجياً و هما طالعين عالسلم...

مصطفى/تعالى يا ابني اقعد

ريان قعد..

مصطفى/اي اللي خلاك ترفض نسرين

ريان/ي بابا دي بنت اخلاقها بايظه و مش كويسه و انا مش بحبها و بعدين دي اهي مايا بنت محترمه و كويسه و طيبه و هتحبوها و هتطمنوا بردو عليا معاها اما نسافر

سيده ب ابتسامه /بصراحه مقدرش انكر ان شكلها محترمه و طيبه يا مصطفى بس بردو هنشوفها خلال التسع ايام اللي قاعدين فيهم معانا

مصطفى/مش فاهم مستعجل على اي!!ما تقعد كمان شويه

ريان/بابا انت عارف الشغل المستشفى محتاجاني و كمان بدير اللشركه من اسبانيا ف متقلقش

مصطفى/ربنا يطمنك تعالى بقا عاوزك فالمكتب

ريان راح ورا ابوه فالمكتب

قعد على كرسي المكتب الكبير ذو الطراز القديم

مصطفى/اقفل الباب وراك

ريان قفل الباب و دخل قعد قدام المكتب عالكرسي

مصطفى بتنهيده/عملت اي مع حمزه!!

ريان بضحك/متقلقش دي حكايه كبيره اوي هنجيب حقنا يعني هنجيبه حتى لو على حساب حق غيرنا...

مصطفى بمكر/يبقا قولي الحقيقه يا ريان مايا مش مراتك!!!!!!

_________________