الفصل الاول...

3124 Words

فضلت واقفه مكاني مستنيه الراجل دا يدخل لكن اللي حصل كان صدمه بالنسبالي لاقيت شاب طويل وعريض داخل عليا وباين علي وشه الغضب قرب مني اوي وقالي: بقي انتي اللي ضحكتي علي ابويا عشان الفلوس ووافقتي انه يتجوزك يا بنت الفقراء انتي اتعصبت اوي من كلامه وعرفت انه ابن العريس دا حصل ازاي انا كان مفروض اتجوز الراجل الكبير بس نفسي اعرف ازاي الراجل الشايب دا يتجوز وهو عنده ابن في السن دا مبقتش فاهمه حاجه ورديت وقولتله: انا اسفه والله مش ذنبي ولسه مكملتش كلامي ولاقيته ض*بني بالقلم ووقعت علي الارض وقالي: دا انا هسود عيشتك كلها ربنا نجد ابويا منك وواقعك في ايدي انا وحظك عشان تتربي من اول وجديد يا بنت الفقراء بقي كنتي عايزة تضحكي علي ابويا يا زبالة انتي اتصدمت وقولتله: انت قصدك اي هو انت العريس مستحيل دا كان راجل كبير قاعد جانب الماذؤن هو اي اللي بيحصل بالظبط هو بدل ما اتجوزه اتجوزت ابنه وفضلت تفتكر اللي حصل.... مبقتش قادرة استحمل بجد كل دا عايشه في ذل واهانه وفي الاخر اتجوز واحد قد جدي عشان الفلوس يحرق ابو ام الفلوس اللي خلي اب يعمل في بنته كدا وفجاه دخلت امي وهي بتقولي: يلا يا ليلي جهزي نفسك يا بنتي الناس كلها براء والماذؤن بيكتب خلاص فضلت اعيط واقولها: يا ماما بالله عليكي انا مش عايزة اتجوز خليني عايشه معاكي هنا وهخدمكم كلكم وهنفذ كل طلباتكم وهشتغل وهجيب لبابا الفلوس اللي هو عايزاها بس مش عايزة اتجوز والنبي رديت امي عليا وهي زعلانه اوي عليا وقالت: مبقتش بي ايدي يا بنتي خلاص كتب الكتاب بينكتب وانتي عارفه ابوكي كويس ياريتني اقدر اعمل حاجه يا بنتي حقك عليا قولتلها: خلاص يا ماما متعيطيش انا همشي معه وان شاء الله اللي ربنا يجيبه خير انتي بس خالي بالك من نفسك ومن اخواتي خرجت بره وكان كتب الكتاب خلاص والماذؤن بيقول: بارك الله لكما وبارك عليكما وجمع بينكم في خير الف مب**ك للعروسين فضلت واقفه مكاني وانا شايفه الراجل الكبير قاعد جانب الماذؤن وبيبصلي ويضحك وجت واحده عليا عشان تباركلي ومن نظرتها وطريقتها عرفت انها مراته وليها حق تعمل كل دا ما انا في نظرها خ*فت جوزها منها... مشيت معه من غير اي كلمه ووصلت الفيلا اللي المفروض هعيش فيها مع الراجل الشايب دا ودخل كنت فرحانه اوي بالشكل البيت لاننا ناس علي قد حالنا والفيلا دي بعيد اوي عن احلامي ورجعت من تفكيرها علي صوته وهو بيقول ق*فان: اي هو انتي مبتحبيش غير الرجاله الكبيرة ولا اي بقولك اي انا مش فاضي للق*ف دا انا هطلع انام وعايز اصحي من النجمه الاقي الفطار متحضر انتي فاهمه قولتله وانا بعيط من وجعي: حاضر بس انا هنام فين ولما اعوز اكلمك اقولك اي لاني معرفكش رد عليا بعصبيه وقال: انتي هتصحبيني ولا اي اطلعي نامي في اي اوضه واياكي تقربي من اوضتي والمكتب انتي فاهمه وعشان مش عايز حد ياخد باله هنتعامل مع بعض زي اي اتنين لسه متجوزين عن حب واسمي ادهم واياكي حد يعرف اننا مش علي اتفق انتي فاهمه مشيت من غير ما ارد عليه ودخلت الاوضة وقفلت عليا بالمفتاح وفضلت اعيط علي حظي الاسود دا بس ارتحت شوية ان العريس طلع ابنه مش هو واهو بقي في امل اعيش كويس بس دا شكله كارهني بغباء ياتري اي هيحصل معايا وازاي اصلا العريس اتبدل مبقتش فاهمه حاجه دخلت خدت حمام وطلعت صليت ونمت من التعب... في فيلا يحي شاهين وهو ابو ادهم والعريس اللي اتبدل دخل وهو متعصب اوي من اللي حصل وان ازاي بنت زي دي تضيع من ايده كله بسبب اخو مراته منه لله وقطع تفكيره صوت مراته وهي بتقوله: مش ناوي تفهمني اللي حصل بالظبط وازاي فجاه كدا تطلع كل دي لعبة وادهم هو اللي يتجوز البنت دي رد عليها بتوتر وقال: ما انتي عارفه يا حبيبتي ادهم كان متاكد انك مستحيل توافقي بيها عشان فقيرة وعشان كدا عملنا اللعبه دي سوي وكمان يا حبيبتي عيب عليكي يعني انا اقدر اتحوز واحده غيرك دا كلام برضو قالتله: كنت هموت يا يحي ازاي عايزني استحمل بعد العمر دا كله تتجوز عليا وعيله صغيرة زي دي وعلي اي ولا جاه ولا مال ولا حسب ولا نسب انا معرفش ادهم اتجوزها علي اي دي رد عليها وقال: يا حبيبتي الحب يعمل اكتر من كدا وابنك بيحبها هنعمل اي يعني وكمان البت حلوة وتنحب بكره تاخدي عليها قالت: ان شاء الله اللي ربنا عايزوا هيكون يا حبيبي بس بلاش تعمل فيا كدا تاني عشان مروحش فيها انت عارف انا بحبك ازاي ومليش غيرك والله قالها: وانا كمان بعشقك يا حياتي ومقدرش استغني عنك ومفيش واحده غيرك تملي عيني يلا بقي نطلع نرتاح عندي شغل بدري قالتله: لا يا حبيبي مفيش شغل بكره هنروح نطمن علي ادهم هو وعروسته الاول وبعدين روح مكان متحب رد بخبث وقال: اللي تحبيه يا نور عيني يلا بينا بقي لاني تعبان جدا وكمان انتي وحشتيني كان ادهم قاعد بيخلص شوية شغل وبيحاول يطلع خنقته فيها وفجاه تلفونه رن ورد وقال: اي يا حبيبتي عامله اي طمنيني عليكي رديت وقالت: صحيح اللي سمعته دا يا ادهم انت اتجوزت من غير ما تقولي طب ووعودك وكلامنا ليه تعمل فيا كدا حرام عليك مكنش عارف يرد يقولها اي وحاول يتكلم وقال: اهدي يا منار وانا هفهمك كل حاجه بس مش وقته ارجوكي انا تعبان جدا ومش فايق لاي حاجه دلوقتي خالص قالتله ببكاء: انا لازم افهم كل حاجه دلوقتي انا عملتلك اي عشان يكون دا ردك علي حبي ليك ووجودي معاك كل الوقت دا لازم تديني سبب مقنع للي عملته قالها: منار ارجوكي اصبري لبكره وانا هفهمك اللي حصل اديني بس فرصة لبكره حقيقي انا تعبان وعلي اخري رديت وقالت: طبعا مش فضيلي عايز تروح للعروسة دي النهارده دخلتكم ماشي يا ادهم انا هندمك علي اللي عملته معايا دا مش منار اللي ينضحك عليه انا هوريك قفلت السكه في وشه وفضل قاعد يفكر في كل اللي حصل وازاي حاله اتقلب في لحظه كدا وفضل يفتكر في اللي حصل.... كان قاعد في الشركة وفجاه جتله رساله من ابوه انه عمل ثة طلع من الشركة بسرعه علي العنوان اللي في الرساله ولما وصل اتصدم انه فرح ودخل ولاقي الماذؤن بيبارك وفي معازيم كتير اوي وابوه واقف قرب منه... وقاله: بابا انت كويس فرح مين دا واي اللي بيحصل هنا في اي ومين بعتلي الرساله دي خده علي جانب وقاله: بصي يا ادهم دا كان كتب كتابك انت علي البنت اللي بره دي اتصدم ادهم وقال: انت بتقول اي يا بابا ازاي يعني كتب كتابي هو اي اللي بيحصل دا هو انت مش هتبطل حركاتك دي هفضل لحد امتا الم من وراءك يعني هو مين ابو مين رد وقاله: يا ادهم متفضحناش دا انا دافع فيها كتير اوي استهدي بالله وكمل الجوازة دي عىي خير وشوية وطلقها مش هيحصل حاجه قاله: واي خلاك متكملش الجوازة يعني اي اللي حصل ومنعك من الق*ف اللي بتعمله دا رد وقال: خالك عرف اني بتجوز علي اخته وانت عارفه طماع وهددني انه هيعرف امك لو متنزلتش عن نصيبي في الشركة وطبعا رفضت وقولت اكيد مش هيعمل كدا بس للاسف كنت غلطان وراح عرف امك كل حاجه ولاقيته قدامي ومبقاش قدامي حل غير اني اقولها انه جوازك انت واننا عملنا كدا عشان هي مستحيل توافق ببنت فقيرة زي دي رد وقاله: مش هتبطل وساخه بقي حرام عليك انت كبير مش صغير بطل حركاتك دي يا بابا ارجوك حرام عليك انا اي ذنبي مستقبلي وكمان البنت اللي بحبها قاله: معلش يا ابني دي اخر مره هتطلب فيها مساعدتك ومقولتلكش عيش معاها هما شهرين تلاته وسيبها وارجع لحياتك عادي جدا ولو علي حبيبتك فاهمها اللي حصل وكله هيتحل ميرضاكش بيتنا يتخرب يا حبيبي عديها بقي رجع ادهم من شروده وقال في نفسه كل دا بسبب طمعك في الغلوس يا بنت الفقراء انا هوريكي وهندمك علي كل دا وهتشوفي ايام سودا معايا بس الصبر يا حلوة.... وقام عشان ينام من تعب اليوم دا تاني يوم قومت وحضرت الفطار زي ما ادهم قالي تجنب للمشاكل والق*ف دا مش هيبقي ابويا وهو وبعد ما خلصت فضلت افكر اصحيه ولا اسيبه يصحي لوحده ومكنتش عارفه اعمل اي بس هو امبارح علي لحم بطنه هصحيه واللي يحصل يحصل بقي وروحت خبط علي الباب ولاقيته مش بيرد دخلت ملقتهوش موجود... لسه هلف واخرج لاقيت ادهم خارج من الحمام ومش لابس اي حاجه غير فوطه علي وسطه اتخضيت وات**فت اوي من شكله ولفيت عشان امشي ولسه هتحرك اتكعبلت ووقعت عليه وفضل بصصلي اوي ومركز معايا قد اي عيونه حلوة فجاه زقني ووقعت علي الارض وزعقلي... وقال: انتي ازاي تدخلي اوضتي انا مش قولتلك متقربيش من هنا انتي مبتفهميش ولا اي اي الق*ف دا يلا اطلعي بسرعه من هنا جريت علي بره وانا دموعي سبقاني وفضلت اعيط وقولت في نفسي حظ اي دي اللي بيضحكلي ظا مش طايقني وشكلي هشوف اوسخ من اللي كنت بشوفه في بيت ابويا يا رب صبرني والنبي لاني بجد مبقتش مستحمله ادهم فضل مستغرب نفسه ليه قلبه دق بالشكل دا لما قربت منه هي اه شكلها في براءه غريبه واي حد يحبها بس مستحيل اسمحلها تضحك عليا بنت الفقراء دي... وطلع عشان يفكر ومجرد ما خلص فطار الباب خبط وروحت عشان افتح لاقيته بيزعقلي وبيقولي: انتي راحه فين بشكلك دا قولتله: مش راحه حته هفتح الباب مش سامعه بيخبط يعني.... مسكني من شعري وقال: وشعرك دا اي نظامه يعني ادخلي حطي طرحه عليه وطول ما انتي مراتي مشفش شعره منك باينه انتي فاهمه سبته وجريت علي اوضتي وفتح هو الباب وكان اهله واهلي ودخلوا قاعدوا وانا طلعتلهم اول ما امي شاف*نا حضنتني وانا فضلت اعيط وهي قالتلي: مالك بس يا ليلي اهدي يا بنتي الحمدالله ربنا وقعك في عريس حلو وصغير وهتعيشي سنك زي ما كنتي عايزة اهدي يا حبيبتي قولتلها: الحمدالله يا ماما انتي بس وحشتيني اوي متعودتش انام بعيد عنك مش اكتر لاقيت ادهم قرب مني وشدني في حضنه وقال: طب اي يا حبيبتي هو حضني معجبكيش ولا اي مش كدا الناس تقول علينا اي اتوترت اوي من قربه ليا بالشكل دا وقولتله: لا طبعا مقصدش عن اذنكم هقوم اجبلكم عصير قومت ولاقيت امه جت ورايا وقالتلي: متزعليش مني يا بنتي علي مقابلتي ليكي امبارح انا كنت فاهمه غلط وانتي شكلك بنت ناس وكويسه بتمني تخلي بالك من ادهم واوعي تزعليه قولتلها: ولا يهمك يا ماما مفيش حاجه انا بس بتمني تعتبريني بنتك ومتزعليش مني ابدا ومتقلقيش ادهم في عيني قالتلي: انا عارفه اني ابني بيكدب وان في حاجه غلط بس عايزاك متزعليش منه وتستحملي عصبيته وطريقته هو طول عمره كدا جد وملهوش في اللعب والشغل بتاع شباب اليومين دوال يا بنتي قولتلها: متقلقيش يا ماما ادهم كويس وبيحبني اوي وبيحترمني ومستحيل يزعلني في يوم وانا عمري ما هزعله ولا هخليه يشتكي مني رديت وقالت: ربنا يخليكي يا بنتي ويريح بالك وقلبك زي ما ريحتيني تعالي بقي اما اساعدك لسه هرد لاقيت ادهم دخل وقال: بتعملي اي هنا يا ماما اطلعي ارتاحي بره وانا هساعد مراتي حبيبتي وهنيجي وراكي علي طول قالت: ربنا يخليكوا لبعض يا حبيبي خالي بالك من مراتك شكلها بنت حلال وطيبه اوي يلا هسبقكم علي بره اول ما طلعت لاقيته مسكني من ايدي جامد اوي وقالي: قولتي اي لامي اتكلمي اياكي تكون عرفت اي حاجه او انك كنتي هتبقي مرات ابويا قولتله ببكاء: والله ابدا انا مقولتش حاجه خالص سيب ايدي بقي وجعتني... حس انه زودها اوي فساب ايدي وقالي: تمام يلا بينا نطلع عشان اتاخرنا اوي واغسلي وشك دا حاطه كيلو ميكاب في وشك قولتله: ما انا عروسة يعني ودا الطبيعي بس حاضر هشيله اطلع انت وانا هغسله وهجيب العصير وجايه وراءك سبني وطلع وانا سمعت كلامه وخرجت وراه وجيت اقدم العصير لاقيت ابوه بيمسك ايدي بطريقه مش حلوة خالص وبيبص بطريقة مريحتنيش سيبه وبعدت فجاه والعصير وقع عليه لاقيته بيقول: مالك يا عروستنا في اي لدرجادي اعصابك بايظه رد عليه ادهم وقال: هي كويسه مفيش حاجه تعالي يا حبيبتي ارتاحي جانبي هنا معلش يا ماما هاتي لبابا عصير غيره وقامت مامته جابت العصير ورجعت وفضلوا يتكلموا وقومت ادخل الحمام لاقيت ابويا جه ورايا وقالي: ها يا بت طمنيني عملتي اي اد*كي وقعتي في واحد صغير اهو قولتله: حرام عليك انت عايز مني اي تاني متسبني في حالي بقي مش كفايه كنت عايز تبعني للراجل الكبير عشان الفلوس وقبضت كمان عايز اي تاني رد وقالي: ولا طلعلك ل**ن وبقيتي تعرفي تردي اهو يا ست ليلي بقولك اي انا عايزاك تفوقي معايا كدا وتخلي جوزك دي يكتبلك حاجات باسمك وحساب في البنك خلينا نطلع علي وش الدنيا بقي قولتله: والله وماله مش عايزني اقتله بالمره... مختش بالي خالص ساعتها ان ادهم كان معدي وسمعنا بنقول كدا وقال في نفسه وكمان عايزين تموتوني يا بنت الفقراء انا هوريكي وربي ما هرحمك كملت كلامي لابويا وقولتله: ارحمني بقي وابعد عني كفايه لحد هنا انا مش هعمل حاجه خالص سبني اعيش حياتي بقي قالي: بقولك اي انتي لو منفذتيش كلامي انا هحرمك من امك واخواتك وساعتها وريني هتعملي اي احسنلك تمسعي الكلام يا قطه سابني وخرج وانا فضلت مكاني مش عارفه اعمل اي وغسلت وشي وطلعت عشان محدش ياخد باله من شكلي وبعد ما الكل مشي لاقيت ادهم بيشدني وبيقولي اي اللي حصل عشان توقعي العصير علي ابويا انطقي مكنتش عارفه اقوله اي اكيد مش هيصدق لو قولتله فقولت: محصلش حاجه انا مكنتش مركزه ووقع غصب عني انا اسفه اوعدك مش هتحصل تاني ابدا بس متض*بنيش والنبي حس بتوتري وخوفي وساب ايدي وقال: انا مش بحب الكدب ولا بحب حد يضحك عليا تمام لو في حاجه قولي انا هطلع مشوار وجاي اول ما خرج ارتحت شوية وفضلت اقعده بعيط بس قولت لنفسي انا مش هستسلم ابدا ومستحيل اسمع كلام ابويا ولازم اركز في حياتي وجوزي وقومت اروق البيت واحضر اكل وغسؤت هدومي ولبست ترنج قصير ورفعت شعري وبداءت اشتغل... ادهم كان قاعد في العربية ومش عارف يعمل اي ولاحظ نظرت ابوه لي ليلي وقال في نفسه انه مستحيل يتغير دا حته مش مراعي وانها مرات ابنه انا لازم اخلي بالي كويس ومستحيل هسمحلها تضحك عليا هي وابوها بنت الفقراء دي بس اهم حاجه دلوقتي اشوف منار واشرحلها كل حاجه وطلع علي النادي كانت منار قاده لوحده قرب عليها وقالها: كويس اني لاقيتك هنا احنا لازم نتكلم شوية يا منار بعد اذنك لازم تديني فرصة افهمك كل اللي حصل وساعتها اعملي اللي انتي عايزاه قالتله: اتفضلي سمعني بس مهما قولت مفيش حاجه هتتغير بس هد*ك فرصة اقنعتني تمام مقنعتنيش هبقي مش عايزة اشوف وشك تاني قعد وقالها: والله يا حبيبتي كل اللي حصل دا عشان البيت ميتخربش كان لازم انقذ الموقف ومكنش قدامي حل تاني غير اني اعمل كدا قالتله: وانا ذنبي اي وذنب قلبي اي في كل الوجع دا واي اخرة دا كله هفضل انا اتحرق وانت عايش حياتك مع ست الهانم دي رد وقالها: والله ابدا اطمني انا مستحيل اقرب من حد غيرك هو وضع مؤقت وكل حاجه هتنتهي يا روحي وهاجي اتقدملك ونتجوز ونكلع احلي شهر عسل سوي زي ما كونا مخططين قالتله: بجد يا ادهم ولا بتضحك عليا انا مبقتش حمل صدمات تاني ارجوك بلاش تعشمني علي الفاضي قرب ومسك ايديها وقال: عيب عليكي يا حبيبتي انا اقدر برضو اضحك عليكي دا انتي حته من قلبي يكفي ضحكت اللي بتنور حياتي متزعليش بقي واستحملي بس الفترة دي وانا هعوضك والله ضحكت وقالتله: ماشي يا ادهم بس اياك تقرب منها او تعاملها حلو او تقولها كلمه حلوة عاملها اكنها راجل معاك في البيت وبق*ف خليها تطفش وتمشي هي من نفسها قالها: ياريت والله دا لو عندها دم اصلا متقلقيش يا حبيبتي انا بعمل كل دا من غير ما تقولي يا نور عيني اطمني واضحكي دايما كدا بقي فضل قاعد معاها شوية وبعدين اتحرك علي البيت لان الوقت اتاخر وقال في نفسه ياتري هي بتعمل اي كل الوقت دا لوحدها... في بيت يحي شاهين... كان قاعد وسرحان ازاي ساب بت بطل زي دي تضيع من ايده وفضل يدعي علي اخو مراته دا وقال في نفسه اكيد ادهم مش هيلمسها دا متجوزها غصب ولما يطلقها هروح انا اتجوزها واخد اللي عايزوا منها مش هسيبها تضيع من ايدي ابدا وفجاه دخلت عليه بنته ريهام.... وقالت: بتعمل اي يا بابا لوحدك في المكتب هو دايما كدا الشغل واخدك مني انت وحشتني اوي رد وقالها: يا قلبي وانتي كمان وحشتيني طمنيني عليكي عامله اي في الجامعه ودنيتك ماشيه ازاي قالتله: اهي ماشيه الحمدالله يا حبيبي بس عندي رحله الاسبوع الجاي ممكن اطلعها بليز يا بابا مترفضش واقنع ماما قالها: ماشي يا قلبي بس ياريت بقي نركز في مذاكرتنا شوية ها عايزين تقدير حلو السنادي قالتله: ماشي يا حبيبي يلا هروح انام بقي وانت اقنع ماما بليز بقي اول ما ادهم وصل وركن العربيه وطلع فتح الباب براحه ولاقي الدنيا هادية جدا دخل الاوضة يشوفها واول ما دخل اتصدم باللي شافه.... اول ما ادهم دخل الاوضة اتصدم لما لاقني مش موجوده راح عند الحمام وفضل يخبط ومفيش رد فقرر انه يدخل واول ما دخل لاقني واقعه في الارض وكلي دم اتصدم من منظري وميعرفش ليه حس بوجع في قلبه وخوف زي ما يكون حته منه بتروح منه بسرعه شالني وطلعني علي السرير واتصل بالدكتور واول ما وصل وكشف عليا... قاله: متقلقش يا استاذ ادهم المدام مفهاش حاجه هو بس شوية هبوط من قلة الاكل والتوتر وطبعا مع الدورة الشهرية هي مقدرتش تستحمل ووقعت ياريت تهتم بس باكلها شوية وترتاح وبلاش مجهود رد وقاله: شكرا يا دكتور واسف تعبتك معايا... وبعد ما الدكتور مشي دخل وقالي: اي شغل العيال دا انتي مش بتاكلي ليه عايزة توديني في داهيه يعني وبدام عارفه ان عندك ظروف ليه مخلتيش بالك عيط من صوته العالي وقولتله: انا عايزة ماما اتصل بيها بعد اذنك... حس ادهم بوجع في قلبه من منظري واتصل بماما وقالها علي اللي حصل رديت وقالتله: متقلقش يا حبيبي هي كدا كويسه بس خليها نايمه علي ضهرها وتاخد المسكن بتاعها وتشرب حاجه سخنه وهتبقي كويسه هي مش هتراضي تشرب بس حاول تحايلها شوية معلش يا ابني ضحك ادهم ورد وقالها: خلاص يا ماما ماشي واسف علي الازعاج في وقت زي دا تصبحي عالي خير.... اول ما قفل لاقيته بيبصلي ويضحك اوي قولتله: انت بتبصلي كدا ليه انا كنت عايزة اكلم امي ليه قفلت معاها انت اي مبتحسش انا محتاجها اتصل بيها تاني بعد اذنك لاقيته سابني وخرج من غير ما يرد عليا ورجع بعد شوية ومعه مسكن وشوربة وقالي: بقولك اي انا مش عايز صداع تمام المسكن دا تاخديه ويلا عشان تشربي الشوربة وهي سخنه قولتله: شوربة لا مش هشرب حاجه انا هاخد المسكن بس واتفضل اطلع من اوضتي انا عايزة اكون لوحدي بعد اذنك وكفاية احراج ضحك وقالي: انا شكلي هتعب معاكي ومش هخرج من هنا غير وانتي مخلصه الشوربة دي وهاكلهالك بنفسي كمان اي رايك مستناش ارد عليه وفضل ياكلني زي ما يكون ابويا معرفش ليه حسيت باحساس حلو اوي وهو جانبي وبياكلني يااااه يا ادهم لو كونا متجوزين عن حب ومكنش كل دا حصل كان زمانا اسعد زوجين بس اظن لسه قدامي فرصة يا رب قدملي اللي فيه الخير... وبعد ما خلصت الشوربة خلامي انام وغطاني وطلع من الاوضة.... في بيت يحي شاهين كان قاعد يتكلم مع مراته وبيقنعها بسفر بنته ريهام ورديت مراته قالت: انت عمال تدلع فيها ليه انت كدا بتبوظها يا يحي رحلة اي دي ما هي لسه راجعه من رحله هي شغلانه ولا اي رد وقالها: معلش يا حبيبتي هي اخر رحلة وهتركز بعد كدا في مذاكرتها هي وعدتني خلاص بلاش نخنق البنت هو احنا عندنا غيرها خليها عليكي بقي قالتله: انا مش عارفه اعمل معاك اي اللي تشوفه يا حبيبي بس خليها تعمل حسابها دي اخر رحله هتطلعها تمام رد وقال: ماشي يا حبيبتي... يا ريهام تعالي انا عارف انك وراء الباب ماما وافقت خلاص ادخلي اشكريها بقي ياتري اي هيحصل تاني وابو ليلي ناوي علي اي ولا يحي شاهين هيعمل اي وهيفضل كدا زي ما هو وادهم هيعمل اي مع ليلي وشاف اي صدمه واي حكاية منار حبيبته دي هنعرف كل حاجه في الحلقات الجاية انتظرونا...

Free reading for new users

Scan code to download app

App Store Google Play

Facebookexpand_more