تزوجت قاسي القلب

الفصل الخامس...

تزوجت ابن عريسي دون ان اعلم ورغم قسوته احببته..

الحلقة 5...

الكل كان مصدوم وكمل مصطفي كلامه وقال: ايوة جوزها مالكوا مستغربين كدا ليه هو انا قولت حاجه غلط او حرام لسمح الله

رد يحي وقال: انت اتجننت ولا اي يا جدع انت يعني اي جوزها متردي يا ريهام المجنون دا بيقول اي متنطقي ساكته وبتعيطي ليه

مكنتش قادرة اتكلم وبعيط وقولت: انا اسفه يا بابا بس هي دي الحقيقه مصطفي يبقي جوزي وانا بحبه وكنت متاكده انك هترفض وعشان كدا اتجوزنا من وراكوا سامحوني

وقعت ام ادهم علي الارض وهي بتعيط من اللي بنتها عملته وقالت: ليه كدا يا بنت بطني عملت فيكي اي عشان تعملي فيا كدا حرام عليكي ليه ت**ري ثقتنا فيكي كدا

قربت عليها وانا بعيط وقولتلها: انا اسفه يا ماما كان غصب عني والله بس مصطفي كويس وهتحبوه والله اديني انا وهو فرصة بس

زقيتني بعيد عنها وهي بتصرخ وبتقول: ابعدي عني انا بنتي ماتت خلاص مش عايزة اشوف وشك دا تاني انتي فاهمه

كنت لسه هتكلم لاقيت بابا قرب عليا ولسه هيض*بني بالقلم لاقيت مصطفي مسك ايده وقال: انا مراتي محدش يمد ايده عليها مع احترامي انك ابوها يعني بس هي دلوقتي تحت مسؤاليتي انا

جت سمر وريم وقفوا جانبي وخدوني في حضنهم وانا مكنتش عارفه ابطل عياط ولاقيت بابا بيقول: وبما ان هي مراتك جايين عايزين اي مش عملتوا اللي عايزينوا اتفضل خد مراتك وامشوا من هنا

قربت بسرعه لبابا وقولتله: لا والنبي يا بابا انا محتاجكم متسبونيش لوحدي

رد بابا وقال: اي يا هانم عايزة تعيشي هنا انتي وجوزك ولا اي هو فقير لدرجادي

اتعصب مصطفي من كلام يحي وقال: انا مسمحلكش تتكلم عني كدا انا هاخد مراتي وهمشي ومش عايزين منكم حاجه تشكروا

ولسه هنخرج من البيت وقفنا صوت امي وهي بتقول: محدش هيمشي انتوا هتفضلوا هنا انا مضمنش تعمل في بنتي اي بس دا مش معنه اني مسمحاكي في اللي حصل يا ريهام

وسابتنا وطلعت اوضتها وبابا سابنا وخرج وهو متعصب وسمر وريم مشيوا وهما زعلانين وانا خت مصطفي وطلعت اوضتي...

في بيت ادهم....

صحيت من نومي وانا اصلا معرفتش انام ساعتين علي بعض وانا جوز نايم ومعه واحده في الاوضة وقومت خدت دش ولبست ونزلت اشوف اي الدنيا...

اول ما نزلت لاقيتهم قاعدين بيتف*جوا علي التلفزيون وبيضحكوا اوي اضايقت جدا وروحت قعدت انا كمان وحبيت انكد عليهم فقولت: ادهم متنساش معادنا النهارده المفروض نتحرك كما ساعتين تمام

لاقيتها اتعصبت وقالت: هو انتوا رايحين فين يا ادهم وليه معرف*نيش هو اي اللي بيحصل بالظبط متنطق

رد ادهم وقال: في اي يا منار معزومين عند اهلها وكمان مش مستاهله اقولك هو انت عيل صغير هعرفك تحركاتي

اتعصبت منار اكتر وقالت: انت بتكلمني انا كدا يا ادهم وقدام الزبالة دي انت اتغيرت اوي انا هريحك وهاخد حاجتي وامشي وبجد شكرا اوي

قامت وسابتنا روحت قولتله: هو انت هتسيبها تمشي وهي كدا مش قولت الزعل غلط عليها

قالي: مش مهم انا هراضيها بعدين هروح اوصلها واجي تكوني جهزتي تمام

وهي خرجت وخدها يوصلها وانا خلصت الشقه ولبست ودخلت البلكونه شوية استناه وفجاه جتلي مكالمه من رقم غريب استغربت ورديت: الووو مين معايا

رديت عليا وقالت: متفكريش انك هتاخديه مني يا فقيرة انتي تمام انا اه مشيت بس مستحيل اسيبك تتهني بيه وهوريكي هعمل اي

اتعصبت وقولتلها: اكيد انتي يا منار هو انتي عايزة اي ما انتي عارفه اللي فيها ليه شغل الحوارات دا متفكك

قالتلي: انا هوريكي شغل الحوارات بس الصبر حلوة يا قطة يلا سلام بقي

قفلت وانا فضلت قاعده متعصبه ولسه بلف عشان اخرج من البلكون لاقيت ادهم في وشي ولاقيته بيقولي: مالك يا ليلي شكلك متعصب كدا ليه اي اللي حصل وانا مش موجود في حد جه هنا متردي

قولتله: متديني فرصة اتكلم محصلش حاجه وياريت تبعد اللي اسمها منار دي عني انا عارغه ان مستحيل نكمل سوي وانك مستحيل تحبني واني بنت فقراء مش لازم كل شوية حد يسمعني الكلام دا

رد وقالي: انتي ازاي تعلي صوتك بالشكل دا احنا في البلكونه.... اتعصبت اوي من رده وسبته ودخلت جوه لاقيته جه ورايا وشدني وقعت في حضنه وفضلت اعيط واقول: انا بجد تعبت يا ادهم انا مستهلش كل دا ليه بيحصل فيا كدا انا مش عايزة اي حاجه بس خلي الفترة اللي هنعشها سوي دي تعدي علي خير وكفايه تجريح فيا

حس ادهم ان قلبه وجعه عليا اوي وانه حقيقي ظلمني وطبطب عليا وقال: اهدي يا ليلي انا اسف ان شاء الله دا مش هيتكرر تاني احنا ممكن نبقي صحاب الفترة دي اي رايك

بصيتله وانا الدموع في عيني وقولتله: صحاب بجد انا موافقه وهيكون شرف ليا.... ضحك وقالي: شكلك عامل زي الطماطم كدا ليه يا بت يلا بقي ادخلي اغسلي وشك واظبطي نفسك زمان مامتك مستنيانا

خلصنا وروحنا نازلين لطريقنا لبيت اهلي وانا مرعوبة من اللي ممكن يحصل من ابويا وبدعي ربنا يسترها انا مش عايزة اخسر صداقة ادهم علي الاقل...

في اوضة ريهام كانت قاعده بتعيط علي بختها واللي وصلت نفسها ليه ومش عارفه اي اللي لسه مستخبي ليها قرب عليها مصطفي...

وقال: ممكن تهدي شوية يا ريهام انا معاكي اهو وهنحل كل حاجه سوي ان شاء الله بس مينفعش تنهاري بالشكل دا

رديت وقولت: انا عايزة اعرف انت ليه بتعمل معايا كدا يا مصطفي ليه بدبس نفسك في واحده زي ليه بتساعدني وواقف جانبي

رد وقال: مش بي ايدي يا ريهام صدقيني وبكره تعرفي كل حاجه خلي كل حاجه بوقتها احسن ويلا بقي قومي خدي حمام وخلينا نفكر هنعمل اي مع اهلك

قولت: فكراك يا مصطفي هيسامحوني انا مبقدرش علي زعلهم والله ومكنتش عايزة كل دا يحصل انا بحبهم اوي

قرب عليا وحضني وقالي: متقلقيش دوال اهلك وبيحبوكي واكيد هيسامحوكي باذن الله انتي بس خليكي قوية وهنعدي كل دا سوي ان شاء الله.... وكمل بضحك: يلا بقي ريحتك طلعت يا بت قومي استحمي

ضحكت وقومت وقبل ما ادخل الحمام لفيت وقولتله: مصطفي انا بجد مش عارفه اقولك اي بس حقيقي شكرا جدا علي وقفتك جانبي ولا هنسي جميلك دا ابدا

بعد ما دخلت الحمام مصطفي قال في نفسه: جميل اي بس يا ريهام انتي متعرفيش انتي عندي اي انتي متعرفيش اي حاجه دا انتي حلم حياتي انا مش فارق معايا اي حاجه غيرك انتي ومستعد اضحي بحياتي بس تكوني كويسه ومبسوطه انا بحبك من زمان اوي بس كنتي هتبصيلي ازاي بشكلي دا بس انا لازم اخليكي تعرفيني كويس وتحبيني زي ما انا وعمري ما هستسلم ابدا...

في اوضة ام ادهم كانت قاعده بتعيط وسمر وريم معاها بيحاولوا يهدواها شوية وريم قالت: اهدي شوية بس يا طنط وكل حاجه ليها حل وكمان ريهام معملتش حاجه غلط دي اتجوزت علي سنة الله ورسوله والواد شكله غلبان ومحترم اهو وبيحبها..

رديت ام ادهم وقالت: انا مقولتش حاجه يا بنتي بس كنت عارف*نا مكنتش هعترض والله وكنت هقنع ابوها لو اعترض وهو اصلا مكنش هيعترض دا بيحبها وبيحب ينفذ كل طلباتها

رديت ريم وقالت: مش عارفه والله اقولك اي بس انتي مينفعش تتخلي عنها هي اكيد محتاجكي اوي دلوقتي خليكي معاها البنت في الوضع دا بتحتاج امها اوي

كملت سمر الكلام وقالت: بصراحه يا طنط انا حاسه ان في سر وراه كل دا اصل ريهام متعملش كدا ودا مش واحده بتحب وفرحانه انها خدت حبيبها في حاجه تانيه

رديت وقالت: عندك حق يا سمر انا ازاي مختش بالي من بنتي دا مش شكلها وهي راضيه علي اللي بيحصل احنا لازم نوصل للحقيقه يا بنات

رديت ريم: احنا معاكي طبعا بس لو في حاجه ريهام مش هتحكي غير ليكي وعشان كدا لازم تسامحيها يا طنط وتقربي منها شوية

قالت: سبوني اهداء واللي ربنا عايزوا هيكون ان شاء الله وصحيح يا سمر انتي جالك عريس وعايز يعمل خطوية اخر الاسبوع قولتي اي

رديت وقالت: وهو دا وقته يا خالتي بس احنا في اي ولا اي نتكلم بعدين في كل دا

قالتلها: مش هينفع يا بنتي الراجل مستعجل وعايز ردك قولتي اي.... فكرت سمر شوية وقالت هتوافق عشان تخلص من محمود وفعلا قالت كدا: خلاص يا خالتي انا موافقه خليه يجي

رديت ريم وقالت: ازاي يعني موافقه من غيب ما تشوفيه ولا تعرفي اسمه حته في اي يا سمر

قالت: مش مهم المهم اني اخلص من اخوكي وا**ر غروره دا عن اذنكم انا هروح اوضتي... مشيت سمر وهي بتقول في نفسها وريني بقي يا محمود هتكتب كتابك عليا ازاي اخر الاسبوع دا انا سمر برضو

قالت ريم: هي ازاي كدا يا خالتي وليه بتكره اخويا بالشكل دا انا بجد مش فاهمه اي سبب كل دا

رديت وقالت: سيبها يا بنتي بكره تعقل وتعرف اننا خايفين علي مصلحتها مش اكتر يلا روحي انتي كمان علي اوضتك انا عايزة انام شوية

في بيت ابو ليلي وصلت انا وادهم ودخلنا سلمنا علي اللي موجودين ومسكت اخواتي العب معهم شوية ولاقيت ادهم بيقول لماما: امال عمي فين مش شايفه يعني

قلبي اتقبض اوي وقولت: هي ماما مش كفايه ولا اي يا ادهم تلاقيه في مشوار وجاي

رديت ماما وقالت: هو بيجيب حاجه وجاي مش هيتاخر المهم طمنوني عليكي وبنتي عامله معاك اي يا ادهم اكيد مغلبك

ضحك وقال: لا خالص دي ليلي بلسم يتحط علي الجرح يطيب تسلم تربيتك يا حماتي عرفتي تربي

ات**فت اوي من كلامه وقومت دخلت المطبخ... وامي رديت وقالت: كويس انها قامت كنت عايزة اقولك حاجه مهمه يا ابني

استغرب ادهم اوي وقال: خير يا حماتي قولي في اي انا سامعك اتفضلي... كملت امي وقالت: اكيد انت مستغرب العلامات اللي في جسم ليلي دي جت منين صح

اتصدم ادهم ومكنش عارف يرد لانه اصلا مقربش مني وحاول ميبينش دا ورد وقال: اه وليلي رفضت تقولي سببها هي من اي دي يا حماتي واي حصلها

رديت وقالت: كله من ابوها ربنا يسامحه كان كل ما يتخنق او يضايق يتلكك علي اي حاجه ويمسكها يض*بها من غير رحمه خالص لحد ما بوظ معظم جسمها ربنا ينتقم منه

قال: هو في أب كدا بجد مستحيل اصدق هو ازاي كدا.... كملت بحزن وقالت: هو سيد كدا كتر الشرب طير عقله خالي بالك من ليلي يا ادهم هي غلبانه وشافت كتير اوي حافظ عليها يا ابني بالله عليك ومتوجعش قلبي عليها

قرب ومسك ايدها وقال: اطمني يا امي ليلي في عيني ومستحيل اخلي حاجه تحصلها ممكن بقي اقوم اشوفها بتعمل اي دا بعد اذنك يعني

رديت وقالت: لا يا ابني خليك انت وانا هقوم اجيبها واجي ثواني يا حبيبي... فضل ادهم يلعب مع العيال وانا كنت واقفه في المطبخ بحاول اخد نفسي واهداء ولاقيت ماما جت..

قولتلها: تعبتي نفسك وجيتي ليه يا ماما انا كنت جايه اهو معلش قومت اشرب بس

بصتلي اوي وقالتلي: مالك يا ليلي اي اللي فيكي يا بنتي انا مش هتوه عنك هو انتي مش مبسوطه مع جوزك

رديت بسرعه وقولت: لا خالص يا ماما يا ادهم كويس جدا معايا وبيحبني ومش بيزعلني خالص وشايلني في عيونه

ارتحت وقالت: ريحتي قلبي يا بنتي ربنا يسعدكم مع بعض ويبعد عنكم عين الحسد يا رب بس يا بنتي عشان تربتي جوزك جانبك وميبصش لبره لازم تجيبي منه حته عيل وساعتها هيتمنالك الرضا ترضي

ساعتها كان ادهم قام يشوفهم اتاخروا ليه وسمعهم واتصدم وقال: حته انتي كمان وانا الع**ط اللي حسيت انك صدقه وصدقت كل كلامك انا هوريكوا... ورجع مكانه تاني

ات**فت اوي من كلام ماما وقولتلها: ان شاء الله يا ماما ممكن نطلع بقي ادهم لوحده بره

اول ما خرجنا لاقينا بابا جه وقاعد مع ادهم دخلت وانا مخضوضة ولاقيته بيقولي: عامله اي يا بنتي وحشتيني اوي طمنيني عليكي

قولتله بتوتر: انا كويسه شكرا هو مش يلا يا ادهم بقي انا تعبانه وعايزة اروح

امي رديت وقالت: ما تهدي يا بنتي انا هحط العشاء اهو كولوا وامشوا...

خلصنا اكل وقومت اغسل ايدي وانا راجعه لاقيت بابا وقفني في طرقة البيت وقالي: ها طمنيني عملتي اللي قولتلك عليه ولا لسه يت خايبه انتي خليني انتفع منك

عيط وقولتله: يا بابا حرام عليك ارحمني بقي دا جوزي وانا مستحيل استغله مهما حصل سبني في حالي بقي

رد عليا بعصبيه وقال: بقولك اي انتي لو منفذتيش كلامي هرمي اخواتك في دار ايتام انا مبقتش قادر اصرف عليهم فخليكي عاقلة كدا ونفذي اللي بقولك عليه

خوفت اوي علي اخواتي وقولت اخده علي قد عقله وقولت: تمام هعملك اللي عايزوا بس متقربش لحد من اخواتي بعد اذنك

سيبته ورجعت وشديته ادهم وقولتله: عشان خاطري روحني دلوقتي انا تعبانه ومش قادرة اقعد اكتر

استغرب ادهم اوي وقالي: حاضر يا ليلي بس اهدي عن اذنكم يا جماعه لازم نمشي

طلعنا وركبنا العربيه واتحركنا للبيت وطول الطريق كونا ساكتين وكنت سرحانه في الطريق ودموعي مش راضيه تسكت...

رجع يحي البيت متاخر ودخل اوضته وشاف مراته لسه صاحيه وقال: انتي لسه صاحيه ليه مالك اللي حصل حصل خلاص مش هنقدر نغيره

قالتله: غصب عني بنتي وكنت عايزة افرح بيها انا حاسه انها مخبيه حاجه في سر يا يحي

لسه يحي هيرد بس سمعوا صوت حاجه وقعت بره طلعوا يشوفوا في اي واتصدموا من اللي شافوه وصرخوا وقالوا: ريييييييم

ياتري اي اللي حصل وليلي ناوية علي اي واي في دماغ ادهم واي هيحصل مع ريهام ومنار ناويه علي اي هنعرف الحلقات الجايه... انتظرونا...