الفصل الرابع....

2101 Words

تزوجت ابن عريسي دون ان اعلم ورغم قسوته احببته... الحلقة 4... اول ما فتحت الباب كانت الصدمه بالنسبالي اني لاقيت بنت قدامي لابسه لبسه مايع اوي ويعتبر كل جسمها باين منه عصبني شكلها اوي وقولتلها: اتفضلي اقدر اساعدك في حاجه رديت وقالت: وهو انتي بقي ليلي اللي كانت عايزة تتجوز ابو حبيبي و يا حرام هو اللي ادبس فيكي عشان ينقذ ابوه منك اتعصبت اكتر من كلامها وقولتلها: نعم انتي مين وعايزة اي ومين سمحلك تتكلمي معايا بالاسلوب دا راحت ضحكه وزقني من علي الباب ودخلت قعدت علي الكرسي وقالت بتريقه: هو انتي لسه مفهمتيش انا ابقي حبيبة ادهم وهنتجوز بس يخلص منك يا زبالة انتي قولتلها: وجايه عايزة اي ادهم مش هما ومسمحلكيش تغلطي فيا انتي فاهمه واتفضلي من غير مطرود قامت وقفت وقربت مني وقالت بزعيق: دي اول واخر مره تغلطي وصوتك يعلي انتي فاهمه دا بيت حبيبي اجي وقت ما احب ولعلمك بقي انا هشرفكم هنا كام يوم اتصدمت وقولتلها: نعم انتي اتجننتي ولا اي تقعدي هنا بصفتك اي هو انتي معندكيش اهل يعلموكي الحلال من الحرام ولا انتي شكلك متربتيش مسكتني من شعري وقالت: وهو انتي اللي تعرفي الحلال من الحرام يا اللي كنتي هتتجوزي واحد قد جدك عشان الفلوس يا بت انتي رحيصه فاكره نفسك اي بلا ق*ف انا هوريكي ازاي تتكلمي معايا كدا حاولت افلت من بين ايديها مكنتش قادرة لحد ما سمعت صوت ادهم وهو بيحاول يبعدها عني وقال: منار انتي بتعملي اي هنا واي اللي بتعمليه فيها دي انتي اتجننتي دي مهما حصلت بني ادمة من لحم ودم زينا وكمان دي مراتي لاقيته اتعصبت اوي وقالت: انت ازاي تقول علي الزبالة دي مراتك يا ادهم وكمان بتقولها في وشي هي لحقت توقعك في فخها اه يا خ*فت الرجاله انتي انا هوريكي وجت عشان تمسك فيا تاني بس ادهم وقف قدامها وقالها: كفايه يا منار انتي بهدلتيها بما فيه الكفايه تعالي ندخل البلكونه نتكلم وانتي يا ليلي ادخلي اغسلي وشك واعدلي حالك معلش سيبتهم وجريت علي اوضتي مكنش اللي حصل وجعني علي قد ما سكوته علي اللي حصل وجعني وانه مردليش كرامتي وجبلي حقي ودخلت غسلت وشي وحاولت اهداء واطلع هشوفه هيعمل اي واذ كانت البتاعه دي هتعيش معانا بجد ولا اي هيحصل.. نزلت ريهام تقعد علي البحر وتحكيله وجعها زي ما بتحب وهي قاعده وبتعيط علي اللي حصلها قرب منها شاب مبهدل اوي في نفسه ولابس نضارة كعب كوباية وقعد جانبها واتكلم بتوتر... وقال: مالك يا ريهام ليه من الصبح قافله علي نفسك كدا وكل لما اشوفك الايقكي بتعيطي احكيلي مالك لو تحبي هسمعك للاخر زاد عياط ريهام وقالت: مفيش حاجه يا مصطفي انا بس تعبانه شوية ومخنوقة وحابه افضل لوحدي شوية قرب منها وطبطب عليها وقال: انا عارف اللي حصل يا ريهام وصدقيني انتي مش غلطانه هو اللي خسرك اتصدمت ريهام لما عرفت انه عارف وقالت: انت عرفت ازاي مين قالك رد عليا وتعرف اي كمتم هو انت بتراقبني ولا هو اللي فضحني انطق رد بتوتر وقال: اهدي وهفهمك كل حاجه بس انتي اهدي الاول عشان متتعبيش والله ما حاجه مستاهله يا ريهام قالت: ملكش دعوة بيا ورد عليا انت عرفت ازاي واي حصل احكيلي انت تعرف اي واياك تخبي حاجه او تكدب يا مصطفي رد وقال: من مايا يا ريهام لانها كانت متفقه معه تقنعك عشان تقعي بين ايديه ويعمل اللي عملوا دي طول عمرها بتغير منك وبتكرهك وانتي زي الهبله اعتبرتيها صحبتك واختك انهارت ريهام وقالت: وبدام انت عارف ليه محظرتنيش ليه مجتش قولتلي يا مصطفي كان بي ايد*ك تمنع كل اللي حصل دا ليه سكت رد عليا حرام عليك رد وهو قلبه وجعه عليها اوي وقال: انا عرفت متاخر يا ريهام والله ازاي تفكري كدا انا مستحيل كنت اسكت لو كنت عرفت بدري قالت: طب وانت عرفت ازاي... كمل كلامه وقال: من شوية شوفت مايا مع صاحب امجد القريب وكانت بتطلب منه حقها بعد ما اتاكدت ان خلاص المطلوب تم وعرفت ان امجد حطلك م**ر في العصير عشان يعرف يسيطر عليكي وهي اللي جبتهوله بحكم الصيدلية اللي عندها حطيت ريهام ايدها علي وشها وفضلت تعيط وتصرخ وتقول: ليه انا عملتلها اي دا انا كنت معتبرها اكتر من اختي كنت بفضلها عن نفسي ليه تعمل كدا وليه هو يكون شيطان بالشكل دا دي نتيجه حبي وثقتي فيه هعمل اي انا دلوقتي هقول لاهلي اي هعيش ازاي وسط الناس اكيد هو مش هيسكت وهيفضحني انا لازم اموت مينفعش اعيش بعد كدا اللي زي تستاهل الحرق.. وقامت ريهام جريت ونطت في المياه ومصطفي انصدم ومن غير تفكير نط وراها وبعد معافرة طلعها ومكنتش راضيه تفوق شالها وطلع بيها علي المستشفي... في بيت ابو ليلي كان قاعد بيخطط هيعمل اي بكره في العزومه وازاي هيقنع ليلي باللي هو عايزاه وقطع تفكيره صوت مراته وهي بتقول: مالك يا سيد قاعد كدا ليه وبتفكر في اي اوع تكون ناوي علي مصيبه جديده ضحك وقالها: مش بقولك بومه في اي يا ولية هو انتي مش فرحانه ان بنتك وجوزها جايين بكره ولا اي قالتله: يالهههوي ودا كلام دا انا طايرة من السعادة دا انا مش عارفه اطبخ اي ولا اي لازم اشرف بنتي برضو ولا انت اي رايك قالها: اعملي اللي تعمليه يا اختي انا هخرج شزية ورايا مشوار هخلصه واجي ولو اتاخرت نامي انتي استغربت اوي وقالت: هو في اي يا سيد كل يوم خروج وتاخير بره انت بتروح فين يا راجل انت اوع تكون متجوز عليا ضحك اوي وقال: وهو اللي يتجوزك يفكر يتجوز تاني يا بوظ الزفت انتي بقولك اي متفصلنيش اوعي كدا خليني اخرج بلا هم خرج ابو ليلي وراح علي مكان ضلمة كدا وقابل واحده شكلها غريب وميطمنش وقالتله: ما لسه بدري يا سيد في اي بقيت تتاخر كدا ليه لحد ما تيجي مبقتش مواعيد دي رد وقالها: معلش يا بطل لازم اخلي بالي برضو بدل ما نتفضح ونتكشف انتي عارفه الشغلانه بتاعتنا دي عايزة الحذر طمنيني بقي الشغل عامل اي قالتله: اهو ماشي مية فل وعشرة بس الحكومه عينيها علينا الفترة دي وعايزين نخف شوية نشتغل علي خفيف كدا رد وقال: طب حلو الكلام دا احنا نوسع الشغل بقي وبدل ما هو مركز في مكان واحد نشتت الحكومه ونخليهم ينتشروا في كذا مكان عشان ميبقاش في تركيز معانا اي رايك ضحكت وقالت: دا انت ابليس يض*بلك تعزيم سلام اشطا عليك هنبداء نعمل كدا الفترة اللي جايه دي وانت بقي خليك معانا شوية قالها: ماشي يا بطل يلا انا همشي وانتي خلي بالك كويس تمام سلام يا حلويات بعد ما خرجت من الاوضة فضلت قاعده مستنيه يخرجوا من البلكونه واعرف اي تم ومبقتش عارفه انا ليه زعلانه ما يعمل اللي هو عايزوا ويكلم اللي يكلمها انا شاغله بالي ليه يوووه هما اتاخروا كدا ليه.... ادهم بداء يزعق لمنار بصوت واطي وقال: انتي اي اللي عملتيه دا يا منار مش معني اني سكت بره اني موافق علي اللي حصل دا قالتله بدلع: اعمل اي يا حبيبي انت عارف اني بحبك وبغير عليك ومقدرتش اسكت اكتر من كدا وكمان هي اللي غلطت الاول انا ذنبي اي ادهم بتريقة: يا منار هي برضو اللي بداءت الغلط قولي من الاخر في اي وبطلي دلع بقي انا جاي تعبان من بره قالتله: اصل يا حبيبي اهلي سافروا وانا مش حابه اقعد لوحدي وقولت انت هنا اكيد عايش مضايق ومش طايق تشوف وش المق*فه اللي بره دي فقولت بقي لحد ما يرجعوا هاجي اعيش معاك رد وقال: انتي بتقولي اي يا منار ما انتي عارفه ان دا مش هينفع لو اهلي جم هقولهم اي اعقلي يا حبيبتي ميصحش اللي بتقوليه دا قالت بزعل: يعني يرضيك يا روحي حبيبتك تقعد لوحدها في بيت كبير كدا طب افرض حصلي حاجه مين هيلحقني ولا حرامي اتهجم عليا هتعمل اي ساعتها رد وقال: يا منار بالله عليكي متضغطيش عليا انتي عارفه انه لو بي ايدي عايزاك معايا العمر كله بس انا دلوقتي متجوز واهلي لو عرفوا هتحصل مصيبه اعقلي وانا كل شوية هاجي اقعد معاكي قالتله بدلع: توعدني يا حبيبي وهتبات معايا كمان عشان خاطري صح مش هتسبني لوحدي رد وقال: مش متاكد من نقطه البيات دي بس هحاول يا حبيبتي يلا بقي ندخل وهتباتي هنا النهارده بس عشان الوقت اتاخر ضحكت بدلع وقالت: الله عليك يا روح قلبي بس هتنام معايا النهارده في الاوضة مليش دعوة بقي انت وحشتني اوي اصلا ونفسي انام واصحي وانت قدامي كدا قالها: وبعدين في دلعك دا بقي ماشي يا ستي طلباتك اؤامر يلا بقي ندخل انا جاي تعبان يا روحي وياريت ملكيش دعوة بيها عشان خاطري اول ما دخلوا اتصدمت من منظرهم وضحكهم ولا اكن حاجه حصلت وداخله وهي ماسكه في دراعه وبتدلع عليه ولاقيتها بتقول: هي فين الاوضة بقي يا حبيبي انا محتاجه اخد دش يكون العشاء جهز رد وقالها: اطلعي اول دور علي ايد*ك اليمين وانتي يا ليلي بعد اذنك جهزي العشاء دخلت المطبخ وانا مقهورة اوي منه هو ازاي معندهوش احساي بالشكل دا شكله فعلا بيكرهني ومستحيل يفكر لو لحظه فيا... في المستشفي بداءت ريهان تفوق وقالت: انا فين هو اي اللي حصل مين جابني هنا انا كنت عايزة اموت حرام عليكوا رد الدكتور وقال: يا مدام انتي اتكتبلك عمر جديد لولا جوزك جابك في الوقت المناسب كان زمانك لاقدر الله دا كان خايف عليكي جدا ياريت تخلي بالك من نفسك وكتبتلك شوية فتيامينات استغربت ريهام من كلام الدكتور وقالت في نفسها معقول يكون امجد فاق ورجع تاني وعرغ غلطه.... خرج الدكتور وبعد شوية دخل مصطفي وقال: حمدالله علي سلمتك يا ريهام اي اللي عملتيه حرام عليكي يا بنتي كل حاجه ليها حل صدقيني مش مستهله اللي بتعمليه في نفسك دا رديت ريهام وقالت: هو انت جوزي اللي الدكتور قال عليه صح انت مين سمحلك تقول كدا فاكر نفسك مين رد وقال: اهدي يا ريهام مكنش ينفع اقولك انك انسه عشان ساعتها كان هيتعمل محضر وهتتفضحي انا خوفت عليكي والله حسيت ريهام بالخجل من اللي قالتله وقالت: انا اسفه يا مصطفي مكنش قصدي بس انا تعبانه والله اعذرني رد وقال: ولا يهمك انا خلاص لاقيت الحل لمشكلتك وبتمني مترفضيش في بيت يحي شاهين طلع يحي ودخل اوضته وكانت مراته قاعده قرب منها وقالها: بقولك يا حبيبتي محمود كلمني تاني وم**م علي مووع سمر حاولي تتكلمي معاها تاني قالت: يا يحي البت رافضه وانا تعبت معاها ومش عارفه اعمل اي بجد بس انا شايفه ان الاحسن ليها توافق بيه رد وقالها: طب انا عندي فكره وهو دا الحل الوحيده وهي هتزعل شوية وبعدين نراضيها ومش مشكله استغربت مراته وقالت: خير يا يحي انت ناوي علي اي انا معاك في اي حاجه بدام في مصلحتها دوال اهلها ماتوا وسابوها امانه في رقبتنا قال: بصي يا حبيبتي انتي هتعرفيها ان في عريس متقدم ومستعجل وكدا وهي طبعا عشان عايزة تخلص من محمود هتوافق ويمكن متسالش هو مين اصلا قالت: مش عارفه يا يحي بس هشوف هتكلم معاها بكره وربك يسهل يا حبيبي يلا بقي عشان ترتاح انت شكلك جاي تعبان فضلت واقفه بحضر العشاء وانا بعيط من وجعي وبختي المايل ومختش بالي غير وادهم واقف جانبي وبيمسح دموعي بي ايده واتصدمت وقولتله: انت بتعمل اي يا ادهم انا اسفه خمس دقايق والعشاء يكون جاهز رد ادهم وقالي: ممكن تهدي انا اسف علي اللي حصل بس انا مقدرش ازعلها او اقولها حاجه غصب عني والله اتقهرت اكتر وقولتله: عندك حق دي حبيبتك ازاي هتقولها حاجه عشان واحده ولا حاجه بالنسبالك قرب عليا وقال: ممكن تهدي وتسبيني اكمل كلامي انا مبقولش كدا عشان هي حبيبتي بس منار عندها مشكله في قلبها والزعل ممكن يتعبها وعشان كدا مبقدرش اقول حاجه وانا بتاسفلك بالنيابة عنها رديت وقولت: ولا يهمك يا ادهم محصلش حاجه عن اذنك خليني اخلص اللي ورايا عشان منار هانم متزعلش ويحصلها حاجه بسببي مسك ايدي لاول مره بحنان وقالي: ليلي بلاش الاسلوب دا بعد اذنك انا مبستحملش احس ان حد موجوع من غير سبب واسكت وانا عارف انك مغلطتيش ممكن بقي تهدي حاولت ابعد عنه بسبب قلبي المهزاء دا اللي مش راضي يبطل دق دا وقولتله: شكرا يا ادهم بجد انك جيت بنفسك عشان تراضي بنت الفقراء قالي: مدخليش دا في دا بعد اذنك ويلا خلصي الاكل بسرعه.... وجه يمشي شعري مسك في هدومه زي ما يكون القدر بيقربنا لبعض وقالي: اهدي متتحركيش وانا هفكه براحه كان ادهم بيقول في نفسه: معقول اكون ظالمك يا ليلي بس حته لو انا بحب منار ومديها وعد مينفعش اخذلها ومستحيل اكون ظلمك انا سمعتك بنفسي وانتي بتتفقي عليا مع ابوكي طب ليه الاحساس اللي بداءت احسه معاكي دا ربنا يستر انا مش حمل وجع قلب حد ولا وجع قلبي.... خلص وطلع وحطيت العشاء وخلصنا وهي خدته وطلعت بيه قدام عيني وانا مش مستحمله وقلبي وجعني اوي دخلت اوضتي وفضلت اعيك لحد ما نمت... تاني يوم رجعت ريهام البيت والكل استغرب انها رجعت بدري كدا والرحله لسه مخلصتش وفضلت واقفه بتسلم علي الكل ويحي قال: غريبه يعني يا ريهام انتي اي راجعك يا حبيبتي حصل معاكي اي احكيلينا انهرت ريهام من العياط وقالت: انا بجد اسفه سامحوني اللي حصل دا غصب عني بس الكل استغرب ومش فاهمين حاجه وام ادهم اتكلمت وقالت: اي اللي حصل عشان نسامحك عليه يا ريهام انطقي فجااااه جه صوت من عند الباب وقال: اعرفكم بنفسي انا جوزها الكل بصدمه: جوزها ياتري اي هيحصل ومين الست اللي كانت مع سيد ومنار دي ناوية علي اي وياتري اي اخرة احساس ادهم ناحية ليلي وياتري اي اللي حصل في الاوضة بينهم وياتري مصطفي هو اللي قال انه جوز ريهام ولا حد تاني... هنعرف الحلقات الجاية... انتظرونا ياحلوين...

Free reading for new users

Scan code to download app

App Store Google Play

Facebookexpand_more