"MOMMY 'La! Daddy 'Lo! We're back!"
Ang maliit na boses ni Creios ang sumalubong kina Mommy at Daddy pagpasok namin ng bahay. Kasunod ko ay si Marie na tinulungan ako sa pagbitbit ng mga maleta namin ni Creios.
Masayang tumakbo ang anak ko sa mga magulang ko na nakaupo sa sofa. Hindi pa man kami nagtatagal mula sa pagkakarating namin dito ay naging sunod-sunod na kaagad ang pagkukuwento ni Creios tungkol sa pagbabakasyon niya sa Antipolo at sa mga nangyari noong nasa resort kami.
Habang abala ang anak ko at mga magulang ko sa pagkukuwentuhan ay umakyat ako sa kwarto ko habang hila-hila ang dalawang maleta. Inayos ko muna ang mga gamit namin at inilagay sa labahan ang maruruming damit. Nagbihis muna rin ako ng pambahay bago ako muling bumaba sa salas.
"Where's Creios?" tanong ko kay Da
