"MOMMY, wake up!" Pangungulit sa akin ni Creios. Natatawang napailing na lang ako dahil sa kakulitan niya.
"Kapag 'di ka tumigil sa kahihila sa akin, mahuhulog tayo sa kama," sambit ko.
Ngumuso si Creios at pinakawalan ang kamay kong kanina niya pa hinihila. "Sorry po. Excited lang po kasi ako sa lakad natin ni Daddy."
Marahan akong napanagiti sa sinabi niya. Mukhang hindi naaprobahan ang leave na nire-request ni Aeious, kaya kahit labag sa loob niya ay pumapasok pa rin siya sa trabaho niya. Malapit na kasi magbukas ang site na ginagawa nila kaya paspasan na ang naging trabaho nila para maging handa na ito sa araw ng opening.
Kaya ang nangyayari ay sa umaga, wala si Aeious dito sa bahay at kung minsan ay gabing-gabi na nakakauwi dahil sa layo ng byahe. Ganoon ang nangyari sa nagdaang i
