DINALHAN si Shania ng agahan at gamot ni Salve sa kwarto at isang bilin mula kay Xander bago ito umalis ang pinaabot ng kasambahay, na lalong nagpadama sa kaniya ng kalungkutan.
Inaakala talaga ni Xander na kaya siya nagkulong sa kwarto at mukhang nagmumukmok ay dahil sa pagkikita nila ni Zanray at may ibang babaeng karelasyon na ito. Hindi iyon ang dahilan kung bakit siya nagkukulong sa kwarto at ang tunay na dahilan ay sobrang naguguluhan siya sa sarili kung bakit ganoon ang naging pakiramdam niya nang muli silang nagkita ng dating nobyo.
Wala kahit anong sakit at panghihinayang. Nakaluwang pa nga sa puso ni Shania na nagkita silang muli ni Zanray at may iba na itong mahal. Matagal na niyang dinadala ang konsensiyang iyon dahil sa pag-iwan kay Zanray, nagpakasal sa ibang lalake at nawa
