PUMASOK si Shania sa opisina nang asawa na abala ngayong nakaharap sa computer at kahit ang kamay nito ay abala rin sa pagtitipa sa keyboard. Nilapitan niya si Xander at inilapag ang dalang kape sa asawa. Alas-dos pa lang ng hapon at mayamaya ay oras na ng meryenda pero dinalhan na niya ng kape ang asawa para hindi ito antukin sa ginagawa.
Tumingin sa kaniya si Xander at huminto ito sa ginagawa saka ngumiti sa kaniya.
“Salamat sa kape, misis ko,” masayang pasasalamat nito saka kinuha ang kape at hinigop iyon.
“May sasabihin nga pala ako,” sabi niya na ikinatingin nito muli sa kaniya na may pagtataka sa mukha. “Magpapaalam sana ako sa’yo.”
“Magpapaalam para saan?” tanong nito sa kaniya.
“May reunion party kasi kami bukas ng gabi. Mga high school classmates and schoolmates ko sa Cavite
