“MIMI! Gising!” Sunod-sunod ang pagkatok ni Yumi sa kuwarto niya.
Inaantok pa siya pero sa klase ng pagkatok nito hindi puwedeng hindi siya babangon. Nang buksan niya ang pinto iwinagaygay nito ang isang paper bag.
Lacoste.
“Maaga pala mag-deliver ang LBC,” komento niya.
“Ay, hindi!” excited na sabi ni Yumi. “May inutusan ang mommy mo na iakyat ito sa Baguio.”
“Inutusan ni Mommy? Sino? Nasaan?”
Nagkibit ng balikat si Yumi. “Mang Elmo yata ang pangalan. Pero umalis na. Kailangan daw niyang makabalik din agad sa Manila.”
“Okay, ah.”
“Okay na okay talaga.” Bumungisngis ito. “Sabi daw ni Tita Estrelle siguro daw may boyfriend ka na dito kaya rush na rush itong gift mo.”
“Wala akong boyfriend. Saka ikaw ang may pagreregaluhan niyan hindi ako.”
Niyakap siya ni Yumi. “Salamat talaga M
