KUMPLETO silang walong magkakapatid at siyempre pang kasali din si Aunt Carrie sa will reading na iyon. Halos walang kibo ang lahat. Naghihintay lamang sila sa sasabihin ng abogado. Nilinga niya ang katabing si Yumi. Ilang araw nang nalilibing si Lolo Alfonso ay labis pa rin ang pagdadalamhati nito.
Siya man din ay labis na nalulungkot sa nangyari. At hindi niya masisisi si Yumi kung bakit ganoon na lamang ang pag-iyak nito.
Ang ibang mga kapatid niya ay nakitaan rin niya ng lungkot sa panahon ng burol at libing ng kanilang abuelo. Ang bunsong si Eira ay tila batang nag-iiyak nang malakas. Pasimpleng nagpunas ng luha ang iba habang ang iba pa, napansin niyang ikinubli sa dark glasses ang pagluluksa.
Maski paano ay nakabawas sa lungkot na nararamdaman niya ang nakitang pagluluksa ng mga
