Pinili ni Rick na umuwi muna tutal naman ay nasa hospital na ang pamilya ni Shey. Nasa kuwarto siya at kasalukuyang nagpapalit ng damit nang makarinig ng pag-doorbell. Lumabas siya ng terasa at sinilip kung sino iyon. Agad na kumaway si Sam nang makita siya. Pabuntong-hiningang sumenyas si Rick ng sandali lang.
Matapos na ayusin ang T-shirt ay agad na lumabas ng kuwarto. Hindi man niya nais na i-entertain si Sam ay no choice siya. Alam na nito ang kaniyang lihim. At baka kapag tinopak ito ay isuplong siya sa mga pulis, mahirap na.
Nakangiti si Sam nang malabasan niya. Tipid na ngiti lang ang ibinigay ni Rick sa dalaga. Hindi pa nga niya ito pinapasok ay basta na lang siyang tinabig para makaraan ito. Naiinis na isinara na lang ni Rick ang gate.
Nadatnan niyang nakaupo na si Sam sa sofa
