Episode 18
“Silver, pwede ba kita makausap?” tanong noong Tanya na ngayon ay nakatayo sa harap naming dalawa.
MAAMO ang kanyang mukha at ang kanyang mahabang itim na buhok ay abot hanggang bewang. Pakiramdam ko ay ako ang nanlalamig sa suot niyang dress dahil may pagkamanipis iyon at sleeveless pa. Wala man lang siyang suot na jacket lalo na at nandito kami sa mataas na building.
“You should call my secretary instead.” Nagulat ako sa pagkalamig ng tono ng pananalita ni Silver roon sa babae. Parang biglang nawala iyong playful at flirty na Silver na kilala ko at napalitan ng kung sino. Kung ganito siya makareak sa babaeng kaharap namin ngayon, marahil ay importante sa kanya ang babae.
“I tried but Carrick said you’re on leave so…” Lumipat ang tingin sa akin noong Tanya kaya sinubukan
