Kinabukasan ay maaga silang naghanda paalis ng mansion upang magtungo na sa pantalan kung saan nakadaong ang pribadong yate ng mga Brown. Ang islang pupuntahan pala nila ay pag-aari ng kuya Charles niya, sabi pa ng Mama Rox niya ay first time nga lang din raw nitong aapak sa isla ni Charles. Binili umano ito ni Charles upang magtayo ng isang resort pero dahil sa napakalaki nito ay di pa natatapos hanggang ngayon pero ninety percent na raw umano ng resort ang natapos na.
May kaunting bisita raw umano bukas ang Mama niya pero pawang mga malalapit na kaibigan lamang ang imbitado. Sila ay mauuna na sa isla samantalang ang ibang mga bisita ay bukas pa yata ng umaga at mag-oovernight rin dun. Pagkatapos ng kalahating oras ay narrating na nila ang pantalan. Si Klarisse at Kuya Charles niya ay ma
