Chapter 47
Ravena
Alas-diez na ng gabi pumasok si elias sa silid namin.
Nagkunwari ako na tulog na. Akala ko tatabi siya sa akin at lalambingin niya ako subalit iba ang nangyari. Kinuha niya ang kanyang unan at pagkatapos lumabas siya.
Kaya nagtataka naman ako sa ginawa niya. Saan kaya siya matutulog? Baka tatabi siya sa mga magulang niya?
Akala ko pa naman hihingi siya sa akin ng sorry dahil sa mga pinagsasabi ng mommy niya sa akin subalit mukhang taliwas sa iniisip ko ang nangyari.
Bumangon ako upang tingnan ko sana kung saan si Elias matutulog.
Bubuksan ko sana ang pintuan ng marinig ko ang boses ng mommy niya sa labas.
"Saan ka matutulog, iho?" tanong nito kay Elias.
''Doon ako sa library ko, Mom. Marami pa kasi akong gagawin," narinig ko naman na sagot ni Elias sa kanya
