Chapter 65
Ravena
Habang nagkakape ako panay naman ang utos ko kay Jack. "Sige na, timplahan mo na ng gatas ang asawa mo or hot chocolate."
Naka-kunot naman ang noo niya na tumingin sa akin. "Marunong naman siya magtimpla, kaya timplahan niya ang sarili niya kung gusto niya uminom," suplado pa nitong sabi sa akin.
"Ano ba ang nagawa sa'yo ni Mandy? Ang tingin mo kasi sa kaniya parang kalaban," sabi ko pa kay Jack.
"Hindi ko nga kasi siya gusto. Ikaw pa rin ang gusto ko, Ena,'' sabi pa sa akin ni Jack.
Napakibot na lang ako ng labi sa sinabi niya. "Hindi na nga tayo pwede Jack, ang kulit mo rin. Pareho na tayong may kaniya-kaniyang buhay. Siguro hindi lang talaga tayo para sa isa't isa, kaya kung ano man ang mayroon tayo noon kalimutan na natin iyon at isara. Iba na ang sitwasyo
