" B-bakit? " nagugulantang na tanong ni Carl. Hindi siya makapaniwala sa nakikita niya. Dapat siya ang nasa kalagayan niya. Siya dapat ang mamamatay! Ngunit bakit? Bakit? Puro bakit ang laman ng utak ni Carl.
Ano kaya ang rason at nagawa niyang magsakripisyo? Hindi na ba mahalaga ang buhay niya at ganoon na lamang niya niligtas si Carl? Nawala na ang pagkagulat ni Arturo at ngumiti. Maging siya ay nagulat din kanina sa kaganapan.
" Pagmamahal nga naman..gagawin ang lahat kahit pa buhay ay iaalay makaligtas lang ang minamahal. " nakakalokong wika nito.
" S-Suzette? Bakit mo ginawa ito? " tanong ni Carl. Napaubo na ito ng dugo at umagos iyon sa kanyang bibig, huli na ang lahat dahil nahugot na ni Arturo ang kaluluwa sa katawan ni Suzette. Malungkot na nakatingin ang kaluluwa ni Suzette ka
