Rinoa's POV
"Pakiulit mo nga iyong sinabi mo, Rinoa?" Mariing pumikit si mommy. Sa paraan pa lang ng pananalita niya, alam kong hindi siya natuwa.
"Engaged na po kami ni Nathan--"
"Seriously?!" Pinalo ni mommy ang lamesa kasabay ng paglundag ng puso ko sa sigaw niya.
Katatapos lang naming dalawa na mag-lunch nang sabihin ko sa kanya ang balitang nagpa-iba sa mood niya.
Tila ba naipit ang dila ko't hindi nakapagsalita.
"Rinoa, nag-iisip ka pa ba?"
Suminghap ako. "Mommy, five years na kami ni Nathan."
"Wala akong pakialam kung gaano na kayo katagal; hindi siya para sa 'yo, Rinoa!"
My heart twitched. Kapag si Nathan ang topic namin, palagi na lang umuusok ang ilong niya; madalas nangangatog ang mga binti ko sa nakakatakot niyang mataray na mukha.
"Mommy, bakit po ba hanggang ngayon
