"Jay, ako ang girlfriend mo, tapos iiwan mo ako dito mag-isa! Paano 'tong mga damit na gusto ko?" malakas na sambit ng babaeng higad. Nakasunod pa rin siya sa amin, hanggang dito sa labas ng Shop. Nag iingay na rin ang detector, dahil sa mga damit na daladala ng babae palabas ng shop.
Napalingon ako sa babae, dahil parang naawa ako sa kanya. Napapahiya siya sa mga tao at mga saleslady ng Natasha, dahil sa pagsunod niya sa amin.
"Bilisan mong maglakad, bago tayo makilala ng mga tao." pabulong na wika sa akin ni Jay. Muli niyang hinila ang sombrero sa ulo ko, para matakpan ang mukha ko. Mas niyakap din niya ako at idinikit ang mukha ko sa matipuno niyang dibdib.
Humawak na lang din ako sa baywang niya, para hindi ako matisod sa bilis niyang maglakad. Nag aalala din ako sa mga kasama ko
