DINALA nina Kuya Dylan, at Jayden si Jay sa guestroom para makapagpahinga. Tingal pa nila ang damit pang itaas ni Jay, dahil basang-basa ito ng pawis. Buti na lang at may dalang extrang damit si Kuya Nathan sa kotse niya, kaya mayroon silang ipinasuot kay Jay
Hindi ko mapigilan ang sarili ko na hindi matakot. Yakap ko ang aking mga anak, at pinapatahan sila sa pag-iyak, pero kinakabahan din akong panoorin si Jay sa kaniyang kalagayan.
Pinunasan naman ni Ate Jasmine ng malamig si Jay, para maginhawaan ang kaniyang pakiramdam. Sabi ni Ate ay baka daw tumaas ang blood pressure ni Jay, kaya ito biglang nanghina, at pinagpawisan.
Alalang-ala naman si Mommy Emily, dahil sa nakikita nitong kalagayan ni Jay. Umiiyak ito at nanginginig sa takot, dahil sa nangyaring ito kay Jay.
"Anak, may masak
