Pagkatapos ng pag-uusap namin ni Ryan, naging magaan na ang pakiramdam ko. Parang may malaking tinik na nabunot sa dibdib ko. Nalulungkot ako na bumalik na siya ng Ilocos, pero masaya rin ako dahil ayos na ngayon ang lahat.
Kaya lang… may bagong problema na naman.
"Ano bang pumasok sa isip mo at naisipan mong ibenta itong Angel's Haven?!" pagalit kong tanong kay Christian habang kinakandado na niya ang pintuan nito.
Hindi ko alam kung ano nga ba ang pumasok sa isip niya kung bakit niya naisipang ibenta ito. No’ng minsan pa namin pinagtatalunan ang tungkol dito. Hindi ako sang ayon sa ideya niya ngunit sadyang makulit talaga siya. Doon na kami sa bahay nila tutuloy ngayon.
Nitong mga nakaraang linggo, sobrang naiirita ako kay Christian. Minsan, naiinis ako sa kanya kahit na wala naman s
