Nagsisisi ako kung bakit pumayag ako sa kagustuhan ni Christian na bumalik na muna sa condo namin nila Kiel at Calyx. Pagkatapos niya akong ihatid do’n, hindi na siya nagpakita pa sa ‘kin. Mahigit isang buwan na ang lumipas, pero ni anino niya ay hindi ko na nakita. Sa tuwing pumupunta ako sa bahay nila, palagi siyang wala. Ayon sa kanyang ina, busy raw siya at madalas wala sa bahay. Maging ang mga tawag at text ko ay hindi niya sinasagot.
Hindi ko alam kung ano ang pinagkakaabalahan niya. Malapit na ‘kong mabaliw sa kakaisip kung nasaan siya!
Ano kayang ginagawa niya? Nagsawa na kaya siya sa ‘kin dahil palagi ko siyang inaaway sa kahit na maliit na bagay? Baka napagod na siyang intindihin ako. Pinagsisisihan ko na talaga ang mga inasal ko no’n. Aminado ako, mali na nagalit ako sa kanya
