Muli kong tiningnan ang kabuuan ng apartment ni Christian bago ako tuluyang umalis. Wala akong dalang kahit ano, dahil bago ako tumira dito, wala naman akong mga damit. Sa kanya lahat galing ang mga isinuot ko at wala akong balak dalhin ang mga ‘yun sa pag alis ko. Lahat ng mga alaala namin ay maiiwan na rito. Tanging alaala na lamang ang lahat at hindi na maaari pang ulitin.
Hindi ko kayang lumaban kung si Christian na mismo ang umayaw sa akin. Ang hindi ko lang maintindihan, bakit nagawa niya sa akin ito? Pinaasa niya ako gamit ang mga matatamis na salita. Ang sabi nya ay hindi niya ako sasaktan, pero anong nangyari sa pangako iyon?
Mahirap tanggapin ang bagay na ayaw mong mawala sa mga kamay mo. Pero hindi ko rin naman pwedeng hawakan ito dahil ayaw kong pati ang sarili ko ay unti unt
