Prinsesa ang turing ng mag-asawang Cardino’t Corazon buhat ng ipinanganak si Victoria, prinsipe sana kung ito’y naging lalaki. Viktor ang siya sanang pangalan niya.
Walang masamang intensyon ang mag-asawa; mahal na mahal lang nila ang anak sa puntong gusto nilang masaksihang naaayon ang kilos niya't pananalita tulad ng isang prinsesa kahit na sa murang edad pa lang.
Subalit magmula pa man noon, alam na ni Victoria sa kanyang sarili na hindi siya napupukaw sa gara ng suot o ganda ng paggayak lalo na kung siya ang magsusuot ng mga ito. Gusto niya ito sa iba, hindi sa kaniya. Pero dahil hindi pa niya alam noon na maaari siyang mamili, at hindi rin naman nila hinihimok gawin, naging tulad siya ng asong masunurin. Alangalang sa dalawa.
Mahal niya naman ang mga magulang, ngunit pagdating sa
