Alciana
“NAKATAKAS si Stefan?”
Nakuha ko ang atensyon ng mga kapatid ko at ni Esteban. Huminga nang malalim si Kuya Yago.
“Iyon ang sabi ni Esteban.”
Tumingin ako kay Esteban. Lumapit siya sa akin at hinawakan ang balikat ko.
“Don’t worry, we will find him. Hindi ako titigil hangga’t hindi namin siya nakikita.”
“Ngayong tinulungan siya ni Stephen, kailangan na rin nating hanapin ang kapatid mo.”
Tumango si Esteban sa aking kapatid. Nagpaalam si Esteban na may tatawagan lamang sandali kaya lumayo ito sa amin.
Napansin ko na hindi nagsasalita si Azriel. Nakakunot lamang ang ulo niya habang nakatitig sa laptop niya.
“By the way, Azi…” Nilingon ni Kuya si Azriel.
“Hmm?”
“Nasaan nga pala si Amari? Hindi ko pa ulit siya nakikita. Maybe he can help us search for Stefan and Stephen—”
