Maagang gumising si Cedric, halos hindi siya makatulog ng maayos dahil sa kaiisip niya tungkol sa batang lalaking anak ni Chloe. Nag-shower kaagad siya at nag-almusal. Pagkatapos ng lahat ay naglakad na siya papunta sa tagpuan nila.
Pagdating niya roon ay wala pa si Chloe. Kinuha niya ang cellphone upang i-chat ito.
"Hi. Good morning! Narito na ako sa tagpuan natin. Hintayin ko na lang kayo rito ng anak mo," he chatted. Naiintindihan niya kung matagal bago makarating si Chloe. Mahirap din kasi ang maging single mom. Mukhang hindi pa naman ito kumuha ng katulong na mag-aalaga nito.
Biglang tumunog ang cellphone niya, hudyat na may nag-chat sa kaniya.
"Good morning! Papunta na kami riyan. Pasensiya na kung natagalan talaga kami, ang bigat-bigat kasi ng batang ito. Ayaw pa namang magla
