Awang-awa na pinagmasdan ni A si Bernard habang naghahanda sila para iligtas sina Aarah at Clara. Alam ni A na higit sa kanilang lahat, ang kaibigan niya ang sobrang nasasaktan dahil sa pagtatraidor ni Lord Raccoon.
Totoong nagagalit si A dahil sa pagtalikod nito sa El Combinado Cartel. Pero aminado ang binata na mas nagagalit siya ngayon kay Lord Raccoon dahil sa pagkidnap nito kina Clara, lalo na kay Aarah. Noong una pa man nilang nalaman na pinasok ng mga pangahas ang mansion ay sobra na ang pag-alala niya sa babae.
"Okay ka lang, Boss?" tanong ni A kay Bernard nang lapitan niya ito.
Mapait na umiling ang kaibigan. "Paano nga ba ako kung magiging okay kung nasa panganib ngayon ang girlfriend ko? Kung tinraidor ako ng itinuturing kong kaibigan at kakampi? Kung malaman kong anak pala
