"Beshie, narinig mo ba na tumunog ang alarm?" parang namumutla na tanong sa kaniya ni Clara. "Wala namang nasusunog, 'di ba?"
"Wala naman, besie. Ibig sabihin ay may mga magnanakaw?" nag-aalala ring sabi ni Aarah. "'Di ba gan'on ang sabi ni Boss Bernard?"
"Oo, beshie! May nagtatangkang pumasok dito sa loob." Dali-daling umahon sa swimming po si Clara at kaagad namang sumunod si Aarah. Mabuti na lang at dala-dala nila ang mga damit nila. Sa kakamadali ay pinatungan na lang nila ng damit ang suot nilang swimsuit. "Bilisan mo, beshie. Pakawalan natin sina Bruno, Bambi at Blackie. Tawagin mo agad mga pangalan nila, ha, para hindi tayo ang sakmalin nila."
Pagkatapos nilang magsuot ng damit ay dali-dali nilang pinuntahan ang bahay ng mga aso nina Bernard. Sa laki ng mga iyon siguradong l
