Napaatras si Aarah pagkatapos na pakawalan ni A ang mga labi niya. Hindi dahil sa takot siya na baka ulitin nito ang ginawa sa kaniya kundi dahil sa reaksiyon niya mismo sa paghalik na iyon ni A. Tumalikod ang dalaga para itago sa lalaki ang mukha na naramdaman niyang uminit.
"Let's go! Baka ma-trap pa tayo rito ng kalaban. Or worst, mahagisan tayo ng bomba," seryosong sabi ni A.
Ang kumag! Parang balewala lang rito ang paghalik sa'kin.
Kung maka-react ka naman, akala mo pers taym niyang ginawa iyon sa'yo. Kontra naman ng other side ni Aarah.
"Tara na kung ayaw mo ng let's go!" Narinig niyang sabi uli ni A na para bang kaylapit lang ng boses sa kaniya. Parang nag-aalala na naiinis na ito sa kaniya.
Susungitan sana ni Aarah ang binata. Ngunit nasira ang balak niyang iyon nang sa pagh
