Nag-order na rin sila ng kanilang makakain. Ilang oras pa ay may kumatok na sa kanilang kuwarto. Binuksan ito ni Gabbie at may iniabot na mga paper bag ang room boy.
"A-ano ba ‘to, Gabbie? Para kanino ba ito at s-saan ito galing?” maang na tanong ni Fermie nang ibinigay agad ng binata ang paper bag sa kaniya.
"Para sa iyo lahat iyan. Sige na buksan mo na, my Love," malambing na sabi ni Gabbie.
Nakikiliti si Fermie sa tuwing tinatawag siyang 'my Love' ni Gabbie. Nahihiya na siya sa mga ipinakitang kabutihan ng binata sa kaniya.
“Para sa akin? Ikaw ha, lagi ka na lang may ibinibigay. Baka maging spoiled na ko niyan,” nakangiting turan ng dalaga.
“Wala namang problema kung maging spoiled ka, my Love. Hangad ko ang kaligayahan mo. Masaya rin akong nakikita kang masaya.” Hinalikan niya sa
