Hindi na nakasama ang Papa't Mama ni Kia pati na rin sina Tiya Lupe at Tiyo Bor ay nauna nang umuwi sa apartment para makapagpahinga nang saglit. Ayaw pa sanang umuwi ni Tiya Lupe dahil gusto nitong bantayan ang pamangkin ngunit masinsinan siyang kinausap ni Kia at nakinig naman ito kahit labag sa kaniyang loob.
Si Kia na lang ang bumalik sa hospital pagkatapos nilang kumain. Ayaw din niyang iwanan o pabayaan ang kaniyang kaibigan lalo na at si Gabbie na ang umasikaso ng lahat.
Bumalik na sina Kia at Gabbie sa waiting area na kinaroroonan ni Badong ngunit hindi na nila nakita ang binata. Marahil umuwi na rin ito na puno ng galit ang puso. Napaupo si Kia at natahimik, hinaplos ng kamay niya ang kaniyang mga mata, tuyo na ang mga luhang kanina-kanina lang ay walang tigil sa pag-agos. Hind
