Matapos ang isang buwan. Lalong naging makulay ang pagmamahalan nina Fermie at Gabbie. Kapag may signal sa barko ay hindi kinaligtaan ng binata na makipag-communicate sa kaniyang minamahal.
Isang umaga, pagkagising ni Fermie ay nakaramdam siya ng kakaiba. Sumasakit ang ulo niya at humahapdi ang kaniyang sikmura. Dali-dali siyang bumangon ngunit tila nahihilo siya. Sinikap niyang makalabas ng kuwarto papuntang lababo. Naduduwal na siya. Isa...dalawa...tatlong beses siyang naduwal. Pinagpawisan na siya nang malamig. Nanghihina ang kaniyang katawan. Biglang dumilim ang kaniyang paningin at unti-unting nanlulupaypay ang kaniyang katawan. Tuluyan na siyang bumagsak sa sahig.
Mahigit kalahating oras ang lumipas nang muling iminuklat niya ang kaniyang mga mata.
"Bes? Mabuti naman at nagkamalay
