“Alam mo ba, Badong nahihiwagahan ako noon sa lahat ng mga ginagawa ni Kia para sa akin dahil kilala ko siyang likas na mapagbigay. Dinaan niya pala sa mga materyal na bagay ang lahat dahil sakaling malaman ko na may…may…” Napatigil sa pagsasalita si Fermie dahil sumisikip na ang kaniyang dibdib. “Hindi ko lubos-maisip kung bakit kailangan niya akong lukuhin sa ganitong paraan.”
“Paano ba nagkakilala sina Kia at Gabbie? Wala naman siyang ikinukuwento sa akin tungkol sa lalaking ‘yon. Baka...baka nagkakamali ka lang ng hinala tungkol sa kanila Fermie. Baka hindi alam ni Kia na ang nakilala niyang Gabbie ay iyong Gabbie rin na minahal mo,” mahinahong nawika ni Badong.
“Ewan ko. Ewan ko Badong naguguluhan ako ngayon. Pero si Gabbie talaga yon dahil hanggang ngayon, hindi ko nalimutan ang ka
