Sinundot ang puso ni Fermie nang madatnang nasa sala si Kia at tulog na tulog ito. Ang kanang kamay nito ay may hawak pa na cup ng ice cream na nakalapag sa sahig. Nakaramdam tuloy siya ng awa sa kaibigan. Alam niyang hinintay siya nito. Tumulong bigla ang kaniyang luha. Ang gulo-gulo ng kaniyang isipan. Pumasok muna siya sa banyo at doon na umiyak nang himpit. Naisip niyang mula pa noon ay hindi talaga siya iniiwanan ng mga luha. Lagi na lamang siyang nasasaktan. Dumeretso siya sa kuwarto at nagpahinga. Gusto niya sanang lapitan si Kia at gisingin para makabalik na ng kuwarto subalit pinigilan siya ng kaniyang utak. Hindi pa siya handa na kausapin ang matalik na kaibigan.
Kahit nasa kama na siya, hindi naman mapakali si Fermie. Nasa isip pa rin niya sina Gabbie at Kia. Natibag muli ang k
