Matapos ang mahigit isa pang linggo ay naiuwi na rin si Ginang Dolor sa kanilang bahay. Matamang tinapunan ng matalim na tingin ni Mariz si Fermie na nasa tabi ni Gabbie nang dumating ito mula sa trabaho. Yumuko na lamang ang dalaga kahit sa kaniyang puso, sobra na siyang nasasaktan sa ginawa nito sa kaniya. Walang kaalam-alam si Gabbie na ang kapatid niya ang dahilan kung bakit nadamay at nawala ang isa pa nilang anak.
"Mariz, bakit tila hindi ka na umuuwi rito sa bahay? Ano na ba ang nangyayari sa iyo, Iha?" marahang tanong ni Ginoong Jaime nang mapansing dumating ang bunsong anak.
"Do I need to answer that, Daddy? Why don't you ask, Kuya? Hindi mo ba napansing mula nang narito ang gold digger na ito sa ating pamamahay ay puro na lamang kamalasan at kabwisetan ang dumating sa pamilyang
